សិល្បៈជាតិ៖ Net Idol ល្បីល្បាញនៅលើបណ្ដាញសង្គម អេឡិច កូណាន់ គឺជាមនុស្សជំនិតឬជិតស្និទ្ធរបស់តារាចម្រៀង ទេព បូព្រឹក្ស បានធ្វើឱ្យសាធារណជនមានការចាប់អារម្មណ៍និងសរសើរចំពោះលោកច្រើន នៅពេលដែលលោកបានបង្ហោះវីដេអូចម្រៀងខ្លីមួយច្រៀង Cover បទល្បីរបស់អនាគតម៉ាក់ៗនៅលើបណ្ដាញសង្គមថ្មីៗនេះ។
បទចម្រៀង «មិនជឿថាបងមិនស្រលាញ់អូនទេ» ដែលជាបទចម្រៀងមនោសញ្ចេតនាស្នេហាដ៏ពីរោះរបស់ម៉ាក់ម៉ាក់ ទេព បូព្រឹក្សត្រូវបាន Net Idol ល្បីឈ្មោះ អេឡិច កូណាន់ យកមកច្រៀងឡើងវិញ (Cover) ដោយរក្សាទុកប៉ារ៉ូលដដែលគ្រាន់តែប្ដូរពាក្យពីអូនមកជាបងវិញប៉ុណ្ណោះ។
ក្រោយឃ្លីបខ្លីចម្រៀងខ្លី ដកស្រង់យកមកផ្សព្វផ្សាយរបស់លោកបានបង្ហោះនៅលើហ្វេសប៊ុកអ្នកគាំទ្រជាច្រើនបានសរសើរពីទឹកសំឡេងរបស់យុវជនរូបនេះ ព្រោះកន្លងមកគ្រប់គ្នាដឹងថាលោកគឺជាតារាភេទទីបី ប៉ុន្តែនៅពេលលោកច្រៀងសំឡេងប្រុសពិតជាប្លែកនិងគួរឱ្យចាប់អារម្មណ៍ជាទីបំផុត។
ចង់ដឹងថា អេឡិច កូណាន់ ច្រៀងបទនេះពីរោះយ៉ាងណានោះសូមស្ដាប់បទចម្រៀងខ្លីខាងក្រោម៖