សិល្បៈជាតិ៖ ពិតជាបង្កភាពភ្ញាក់ផ្អើលខ្លាំងមែនទែន នៅពេលអតីតម្ចាស់ Miss Grand Cambodia 2021 គឺ ប៉ូ គីមថេងសុតធីតា ត្រូវបានប្រកាសជាផ្លូវការថា ជាបេក្ខភាពចូលរួមប្រកួតប្រជែងក្នុងកម្មវិធី Miss Supranational Cambodia 2023។ នេះបើតាមការប្រកាសនៅលើហ្វេសប៊ុកផេក Miss Supranational Cambodia ផ្លូវការ នៅថ្ងៃទី ១៨ ខែមករា ឆ្នាំ ២០២៣។
ដូចបានដឹងកន្លងមកថា កញ្ញា ប៉ូ គីមថេងសុតធីតា គឺជាអតីតម្ចាស់ Miss Grand Cambodia 2021 ដែលតំណាងឱ្យប្រទេសកម្ពុជាទៅចូលរួមប្រកួតដណ្ដើមមកុដអន្តរជាតិនៅប្រទេសថៃ។ ក្នុងនោះកញ្ញាសម្រេចបានជោគជ័យដ៏ធំធេងមួយ ដែលអាចនាំមុខមាត់ប្រទេសជាតិចូលទៅកាន់វគ្គ Top 10 នៃកម្មវិធី។ សម្រាប់សមត្ថភាពពិសេសរបស់កញ្ញា ហ្វេនអ្នកគាំទ្រកម្ពុជានៅមិនទាន់ភ្លេចឡើយ នូវភាពក្លាហាដែលនាងបានបង្ហាញពេលនោះ និងចងចាំមកដល់បច្ចុប្បន្ន។
សូមជម្រាបថា ក្រៅពីទទួលបានភាពជោគជ័យជា Miss Grand Cambodia 2021 កញ្ញា ប៉ូគឹមថេង សុទ្ធធីតា ក៏ធ្លាប់បានគ្រងមកុដជាជយលាភី Third Runner Up កម្មវិធី Miss City Tourism World 2017 ពីប្រទេសចិន ។ កញ្ញាធ្លាប់មានឈ្មោះជាបវរកញ្ញាឯកអាស៊ីប៉ាស៊ីហ្វិកអន្តរជាតិកម្ពុជា ឆ្នាំ ២០១៩ និងជាអតីតម្ចាស់ជ័យលាភីលេខ៤នៃកម្មវិធីប្រកួតកញ្ញាឯកចក្រវាល MUC ថែមទៀតផង។
រហូតបង្ហាញមុខយ៉ាងភ្ញាក់ផ្អើលក្នុងការចូលរួមប្រកួត Miss Supranational Cambodia 2023 គ្រប់គ្នាកំពុងចាំអ៊ុតមើលថា តើកញ្ញា ប៉ូ គីមថេងសុតធីតា អាចស្រវ៉ាយកមកុដមកគ្រងបានដូចឆ្នាំ២០២១ ទៀតដែរឬទេ? កញ្ញានៅពេលកំពុងស្ថិតក្នុងក្រសែភ្នែកតាមដានរបស់មហាជន។