ខ្សែប្រយុទ្ធ Nick Taylor បានស្ថិតក្នុងបញ្ជីរាយនាមក្រុមកីឡាករជម្រើសជាតិកម្ពុជា របស់លោក Keisuke Honda ក្នុងការប្រកួតពានរង្វាន់ AFF Mitsubishi Electric Cup 2022 កន្លងទៅ។
ថ្មីៗនេះមានលេចវត្តមានខ្សែប្រយុទ្ធ Nick Taylor កំពុងថត MV យ៉ាងសកម្មក្នុងបទចម្រៀងថ្មីរបស់តារាចម្រៀងកញ្ញា រ៉ាប៊ី – Rabee ជាមួយ តារាកំប្លែងលោកណម ដែលគេហៅថា Vann Norm និងតារា TikTok លោក Nook Nook។
ខណ: Nick Taylor ក៏នឹងបង្ហាញវត្តមាននៅក្នុង Podcast របស់លោក ឆេង សុភ័ក្រ្ត ក្រោយពេលលោកបានបង្ហោះសារនៅលើផេករបស់លោកថា៖ «រូបភាពមានសំឡេង! រង់ចាំស្តាប់ពួកខ្ញុំ ទាំង២ ជជែកពីជីវិត និង កីឡា ជាភាសាបរទេស! ខ្ញុំកំពុងរៀបចំ Subtitle សម្រាប់អ្នកទាំងអស់គ្នាផងដែរ!»។
ក្រោមចប់ព្រឹត្តិការណ៍នេះ នៅដើមឆ្នាំ ២០២៣ កីឡាកររូបនេះត្រូវបានក្លិបធំៗជាច្រើន ជាពិសេសនៅលីគកំពូលកម្ពុជា ដែលមានដូចជា បឹងកេត, វិសាខា, ភ្នំពេញក្រោន និងព្រះខ័នរាជស្វាយរៀង ជាដើម ចាប់ផ្តើមអារម្មណ៍ចង់នាំរូបគេចូលរួមក្រុម ដើម្បីប្រកួតប្រជែងពានរង្វាន់នាៗនៅរដូវកាលថ្មីនេះ?
Nick Taylor ជាកូនកាត់ខ្មែរ-អាមេរិក ដែលមានម្តាយជាជនជាតិខ្មែរ និងឪពុកជនជាតិអាមេរិក មានកម្ពស់១.៧៨ម៉ែត្រ គឺជាថ្នាលយុវជនរបស់ក្រុម Dallas Texans, New Mexico Lobos, SMU Mustangs និង UCF Knights មុនផ្លាស់មកកាន់ Orlando City B នៅដើមឆ្នាំ ២០២២៕