សិល្បៈជាតិ៖ កម្មវិធីប្រកួតសម្រស់បវរកញ្ញភពផែនដី MPI ឬ Miss Planet International នឹងធ្វើការប្រកួតផ្ដាច់ព្រ័ត្រនៅថ្ងៃទី២៩ ខែមករាខាងមុខនៅសាលមហោស្រពកោះពេជ្រ ដូច្នេះបេក្ខនារីបវរកញ្ញាតំណាងឱ្យប្រទេសផ្សេងៗ បានធ្វើដំណើរមកដល់ព្រះរាជាណាចក្រកម្ពុជាបន្តកន្ទុយគ្នាដើម្បីត្រៀមខ្លួនប្រកួត ដែលធ្វើឱ្យព្រឹកមិញនេះព្រលានយន្តហោះអន្តរជាតិកម្ពុជាប្រមូលផ្ដុំទៅដោយស្រីស្អាតជាច្រើនជាតិសាសន៍។
នៅព្រឹកថ្ងៃទី២៣ ខែមករា ឆ្នាំ២០២៣នេះ បវរកញ្ញាចំនួន៣រូបបានធ្វើមកដល់ទឹកដីកម្ពុជាមានដូចជាបវរកញ្ញា ហ្វីលីពីន បវរកញ្ញាចិន បវរកញ្ញាប៉ាគីស្ថាន និងបវរកញ្ញា Latvia។ តោះមកគយគន់សម្រស់របស់បវរកញ្ញាដ៏ស្រស់ស្អាតនៃកម្មវិធី Miss Planet International ដូចខាងក្រោម៖
