សិល្បៈអន្តរជាតិ៖ ថ្មីៗនេះតារាចម្រៀងកូរ៉េដើមកំណើតថៃ LISA’s Blackpink ទើបតែដកលុយទិញអចលនទ្រព្យយកធ្វើជាកម្មសិទ្ធិរបស់ខ្លួន។ ជារឿយៗសមាជិកទាំង៤ដួងនេះធ្លាប់បានទម្លាយតាមរយៈកម្មវិធីនានាថាពួកខ្លួនធ្លាប់មាន Apartment ផ្ទាល់ខ្លួន នៅក្បែរក្រុមហ៊ុនម្នាក់មួយ ប៉ុន្តែក្រោយមក Rose និង Jennie បានផ្លាស់ទៅរស់នៅជាមួយនឹងគ្រួសារវិញ ខណៈដែល Jisoo និង Lisa បន្តរស់នៅក្នុង Apartment ផ្ទាល់ខ្លួនដដែល។
យ៉ាងណាមិញអចលនទ្រព្យចុងក្រោយដែល Lisa ទើបតែទិញគឺជាផ្ទះវីឡាទោល ស្ថិតក្នុងតំបន់អភិជននៃសង្កាត់ Buchon ក្រុង Sungbuk Dong។ ទំហំផ្ទះនេះលាតសន្ធឹងតាំងពីជាន់ក្រោមដីរហូតដល់ជាន់ទីពីរ។ វីឡាដ៏ធំទូលាយនេះធ្លាប់ស្ថិតក្នុងកម្មសិទ្ធិរបស់ចៅស្រីអតីតប្រធានគ្រប់គ្រង Lotte Group ឈ្មោះ Jang Seon Yoon។ នាងធ្លាប់រស់នៅទីនោះជាមួយនឹងស្វាមី មុននឹងផ្លាស់ចេញទៅរស់នៅកន្លែងផ្សេងហើយប្រកាសដាក់លក់ផ្ទះនេះវិញ។ ផ្ទះនេះមានទំហំ ៦៨២.២២ម៉ែត្រ និងមានតម្លៃ ៦.០៨លានដុល្លារ។ តាមប្រភពពីការកត់ត្រារបស់ភ្នាក់ងារអចលនទ្រព្យ បានឱ្យដឹងថា Lisa បានចុះកុងត្រាទិញផ្ទះនេះតាំងពីខែកក្កដា ឆ្នាំ២០២២មកម្ល៉េះ ហើយបានបង់ប្រាក់ផ្ដាច់នៅថ្ងៃទី៣០ខែមករា ឆ្នាំ២០២៣។
សិល្បករផ្សេងៗទៀត និងមហាសេដ្ឋី ដែលមានលំនៅដ្ឋានក្នុងសង្កាត់អភិជនដូចគ្នានេះដែរមានដូចជាគ្រួសារអភិជនម្ចាស់អាជីវកម្មក្រុមហ៊ុន the Hyundai group,តារាសម្ដែង Bae Yong Jun និងតារាសម្ដែង-តារាចម្រៀង Lee Seung Gi៕
ប្រភព Koreaboo
