សាកលវិទ្យាល័យជាតិបាត់ដំបង នឹងរៀបចំសិក្ខាសាលាមួយស្ដីពី «ការសិក្សា និង ការស្រាវជ្រាវថ្នាក់ក្រោយបរិញ្ញាបត្រក្នុងយុគសម័យឌីជីថល» តាមរយៈប្រព័ន្ធអនឡាញនៅខែកក្កដា ឆ្នាំ២០២១ ខាងមុខនេះ។
យោងតាមការផ្សព្វផ្សាយពី សាលាក្រោយបរិញ្ញាបត្រនៃសាកលវិទ្យាល័យជាតិបាត់ដំបង បានជម្រាបជាដំណឹងថា នៅថ្ងៃទី៣ ខែកក្កដា ឆ្នាំ ២០២១ ខាងមុខនេះសាលានឹងរៀបចំសិក្ខាសាលាអនឡាញមួយស្ដីពី៖ «ការសិក្សានិងការស្រាវជ្រាវថ្នាក់ក្រោយបរិញ្្ាបត្រក្នុងយុគសម័យឌីជីថល» ដែលសិក្ខាសាលានេះនឹងពិភាក្សាលើប្រធានបទ៖ «កម្រិតចំណេះដឹង ជំនាញ និងសមត្ថភាពការងាររបស់និស្សិតថ្នាក់ក្រោយបរិញ្ញាបត្រ ឆ្លើយតបនឹងបរិបទសេដ្ឋកិច្ចឌីជីថល»។
នៅក្នុងកម្មវិធីសិក្ខាសាលាអនឡាញ «ការសិក្សា និង ស្រាវជ្រាវថ្នាក់ក្រោយបរិញ្ញាបត្រក្នុងយុគសម័យឌីជីថល» ខាងលើនេះ ឯកឧត្តម សុខ ឃន សាកលវិទ្យាធិការនៃសាកលវិទ្យាល័យជាតិបាត់ដំបង នឹងធ្វើបទឧទ្ទេសដោយផ្ទាល់ ។
សូមបញ្ជាក់ដែរថា សិក្ខាសាលាអនឡាញ «ការសិក្សា និង ស្រាវជ្រាវថ្នាក់ក្រោយបរិញ្ញាបត្រក្នុងយុគសម័យឌីជីថល» នឹងប្រព្រឹត្តទៅនៅថ្ងៃសៅរ៍ ទី៣ ខែកក្កដា ឆ្នាំ២០២១ ចាប់ពីវេលាម៉ោង ១៤:៣០នាទី រហូតដល់១៦:០០នាទីរសៀល។
ចំពោះព័ត៌មានលម្អិតសាធារណជន ដែលចាប់អារម្មណ៍អាចសាកសួរព័ត៌មាន និងចុះឈ្មោះចូលរួមតាមប្រព័ន្ធ Zoom:
Tel:+855 70 58 58 97/nangsamith@gmail.comឬស្កេន QR Code ឬចុចhttps://t.me/joinchat/ILH1hkP4TBc4MGJl ដើម្បី Join Telegram Channel។