សិល្បៈជាតិ៖ ថ្មីៗនេះ ផេក ក្រុមសិល្បៈយុវជនល្ខោនខោល និងរបាំបុរាណជំនាន់ថ្មី បានប្រកាសផ្សព្វផ្សាយថាក្រុមខ្លួននឹងបើកចុះឈ្មោះចូលហាត់រៀនសម្រាប់អ្នកស្រលាញ់ទម្រង់ល្ខោនខោលដោយមិនគិតថ្លៃ។
សម្រាប់ការចូលហាត់រៀនដោយមិនគិតថ្លៃនេះគឺធ្វើឡើងនៅរៀងរាល់ថ្ងៃអាទិត្យចាប់ពីវេលាម៉ោង ៧ព្រឹករហូតដល់ម៉ោង១២ថ្ងៃ និងរសៀលចាប់ពីម៉ោង២រសៀលរហូតដល់ម៉ោង៤ល្ងាច នៅទីតាំងសហភាពសហព័ន្ធយុវជនកម្ពុជារាជធានីភ្នំពេញ។ ចំពោះប្អូនៗដែលចាប់អារម្មណ៍ចង់ចូលហាត់រៀនអាចចុះឈ្មោះបានតាមរយៈតំណភ្ជាប់ក្នុងកម្មវិធីតេឡេក្រាមនេះ៖ https://t.me/+j9QoLw16N-YxM2I1
ការចូលរួមហ្វឹកហាត់របស់ប្អូនៗគឺជាចូលរួមបន្តវេន អភិរក្ស ថែរក្សា សិល្បៈវប្បធម៌បុរាណដែលដូនតាខ្មែរបានបន្សល់ទុកមក។
គួរដឹងដែរថា នៅក្នុងកិច្ចប្រជុំលើកទី១៣ នៃគណៈកម្មការអន្តររដ្ឋាភិបាលសម្រាប់ការពារបេតិកភណ្ឌវប្បធម៌អរូបីរបស់អង្គការយូណេស្កូនៅទីក្រុង ព័រល្វី សាធារណរដ្ឋម៉ូរី បានសម្រេចយល់ព្រមចុះល្ខោនខោល ចូលក្នុងបញ្ជីបេតិកភណ្ឌវប្បធម៌អរូបីនៃមនុស្សជាតិកាលពីថ្ងៃទី២៨ ខែវិច្ឆិកា ឆ្នាំ២០១៨៕
