សិល្បៈជាតិ៖ នៅរាត្រីថ្ងៃទី ៨ ខែកុម្ភៈ ឆ្នាំ ២០២៣ នេះ ហាងពេជ្ររបស់លោកជំទាវឧកញ៉ា ទ្រី ដាណា បានប្រកាសទូតសុច្ឆន្ទៈថ្មីជាផ្លូវការ ដែលសុទ្ធសឹងតែជាជួរមុខប្រចាំប្រទេសកម្ពុជាដូចជា អ្នកនាង ឱក សុគន្ធកញ្ញា អ្នកនាង ពេជ្រ សោភា លោក ឆឹម សក្កដា និងលោក សេង មង្គល។
អ្នកនាង ឱក សុគន្ធកញ្ញា
អ្នកនាង ឱក សុគន្ធកញ្ញា គឺជាកំពូលតារាចម្រៀងប្រចាំផលិតកម្មហង្សមាស បានបង្ហាញវត្តមានយ៉ាងភ្ញាក់ផ្អើលក្នុងនាមជាទូតសុច្ឆន្ទៈប្រចាំហាងពេជ្រ ដាណា ទ្រី។ នៅក្នុងរាត្រីបង្ហាញវត្តមានជាផ្លូវការ អ្នកនាងក៏បានគ្រងនូវឈុតគ្រឿងអលង្ការពេជ្រធម្មជាតិដែលមានតម្លៃជិត ៤លានដុល្លារ ដោយ មកុដ 151,825 $ ខ្សែក តម្លៃ 972,966.5$ ក្រវិលតម្លៃ 26,452$ ខ្សែដៃតម្លៃ 1,923,273.75$ កងដៃតម្លៃ 198,155.5$និង ចិញ្ចៀនតម្លៃ 361,212$ ។
អ្នកនាង ពេជ្រ សោភា
អ្នកនាង ពេជ្រ សោភា គឺជាទូតសុច្ឆន្ទៈប្រចាំហាងពេជ្រ ដាណា ទ្រី សាខាច្បារអំពៅ ដែលបានប្រកាសកាលពីអំឡុងដើមខែ ធ្នូ ឆ្នាំ ២០២២កន្លងមកនេះ។ នៅថ្ងៃប្រកាស BA ជាផ្លូវការនៅសាខាព្រែកព្នៅ អ្នកនាងក៏បានបង្ហាញនូវឈុតគ្រឿងអលង្ការពេជ្រធម្មជាតិដែលមានតម្លៃដល់ក្បែរ ៤លានដុល្លារ រួមមានខ្សែកស្វារ៉េពេជ្រសុទ្ធធម្មជាតិតម្លៃ 2,114,849.25$ ខ្សែដៃពេជ្រ តម្លៃ 700,475$ ចិញ្ចៀនតម្លៃ 171,349$។
លោក ឆឹម សក្កដា
ចំពោះតារាសម្ដែង ឆឹម សក្កដា គឺជាដៃគូ BA គ្រឿងអលង្ការពេជ្រប្រចាំហាង ដាណា ទ្រី ជាមួយនឹងអ្នកនាង ពេជ្រ សោភា រយៈពេលពេញ ១ឆ្នាំ។ លោក ឆឹម សក្កដា បានបង្ហាញអលង្ការពេជ្រធម្មជាតិ ចិញ្ចៀនពេជ្រ 29759.5 $ និង នាឡិកាដៃ 29676,5$ នៅពេលវត្តមានជាមួយអ្នកនាង ពេជ្រ សោភា កាលពីយប់មិញនេះ។
លោក សេង មង្គល
សម្រាប់តារាសម្ដែង សេង មង្គល គឺជាលើកដំបូងបង្អស់ហើយដែលទទួលការងារជាទូតសុច្ឆន្ទៈប្រចាំហាងពេជ្រ ដាណា ទ្រី។ លោកក៏បានបង្ហាញម៉ូដចិញ្ចៀនពេជ្រធម្មជាតិដែលតម្លៃ 606,882$។
សូមជម្រាបបន្ថែមថា ការបង្ហាញទូតសុឆន្ទៈទាំង ៤ ដួងប្រចាំឱ្យហាងពេជ្រ ដាណា ទ្រី គឺមានគោលបំណងនាំយកអ្វីថ្មីៗមកបង្ហាញជូនអតិថិជនទាំងអស់គ្នា ជាពិសេសការបង្ហាញនូវគ្រឿងពេជ្រធម្មជាតិសុទ្ធលើដងខ្លួនដែលមាន តម្លៃរាប់លានដុល្លារ និងទំនុកចិត្ត គុណភាព ទើបជាហេតុផលធ្វើឱ្យតារាល្បីៗចាប់អារម្មណ៍ និងកាន់តែគាំទ្រចំពោះហាងពេជ្រ ដាណា ទ្រី។ សម្រាប់អតិថិថនដែលជាវគ្រឿងអលង្ការគ្រប់ប្រភេទនៅហាងពេជ្រ ដាណា ទ្រី ចាប់ពីថ្ងៃនេះតទៅ ក៏ នឹងមានឱកាសចាប់រង្វាន់ ព្រមទាំងបំពេញឈ្មោះសម្រាប់ផ្សងសំណាងយករថយន្តបន្តទៀតនៅពេលដ៏ខ្លីខាងមុខនេះ។
សូមទស្សនាវីដេអូខាងក្រោមនេះ៖
