សិល្បៈជាតិ៖ បវរកញ្ញាយុវតីតំណាងឱ្យប្រទេសកម្ពុជា ២ រូប គឺ យុវតី គង់ ច័ន្ទណារីយ៉ា និង យុវតី ឆដា មុនីនាថ បានត្រឡប់ពីប្រទេសម៉ាឡេស៊ី មកដល់ទឹកដីកំណើតវិញ កាលពីយប់ថ្ងៃទី ៧ ខែកុម្ភៈ ឆ្នាំ ២០២៣ នេះ។ យុវតីទាំង ២ រូបបាននាំនូវមកុដដែលឈ្នះពីការប្រកួតនៅលើវេទិកាអន្តជាតិ មកបង្ហាញជូនអ្នកគាំទ្រ និងក្រុមគ្រួសារយ៉ាងមានមោទកភាពក្រៃលែង។
ក្នុងនោះដែរ យុវតី គង់ ច័ន្ទណារីយ៉ា បានឈ្នះមកុដការប្រកួតនៅលើវេទិកា Miss Teen Global International 2023 និងទទួលបានពានរង្វាន់ដូចជា ពានរង្វាន់ Best National Costume , Social Media Award និង Best Welcoming Dinner Outfit Award។ ចំណែកឯ បវរកញ្ញាតូច ឆដា មុនីនាថ ឈ្នះមកុដពីកម្មវិធី Little Miss Global 2023 និងទទួលបានពានរង្វាន់ Best National Costume និង ពានរង្វាន់ Photogenic Award ដែលជាពានរង្វាន់សម្រាប់ការថតរូបស្អាតគ្រប់យ៉ាង។
ប្រាប់ទៅកាន់អ្នកសារព័ត៌មានជាច្រើននាក់ បវរកញ្ញាតូចតំណាងកម្ពុជា២រូបនេះ បានអះអាងថា បន្ទាប់ពីបានគ្រងមកុដអន្តរជាតិហើយនោះ អ្នកទាំងពីរក៏ទទួលបានប្រាក់រង្វាន់ ១០០០ ដុល្លារ និងមានកុងត្រាការងារសំខាន់ៗដែលត្រៀមបំពេញនៅក្នុងប្រទេសកម្ពុជា និងម៉ាឡេស៊ី។ យុវតីរះថ្មីក្នុងវិថីសម្រស់បវរកញ្ញាទាំងពីរដួងនេះ បានប្ដេជ្ញាចិត្តយ៉ាងមុតមាំក្នុងផ្សព្វផ្សាយពីវប្បធម៌ខ្មែរទៅកាន់ពិភពលោក តាមរយៈគ្រប់សកម្មភាពទាំងអស់។
គួររំលឹកថា យុវតី គង់ ច័ន្ទណារីយ៉ា មានវ័យ ១៤ ឆ្នាំ ហើយ យុវតី ឆដា មុនីនាថ មានវ័យ ១២ ឆ្នាំ។ អ្នកទាំងពីរគឺជា បេក្ខភាពជយលាភីពីកម្មវិធី Miss Preteen International Cambodia 2022 និងបានតំណាងឱ្យប្រទេសកម្ពុជាចេញទៅប្រកួតនៅប្រទេសម៉ាឡេស៊ី កាលពីដើមខែកុម្ភៈនេះ។
ចង់ដឹងថា តើមានអ្វីបណ្ដាលចិត្តឱ្យបវរកញ្ញាតូចតំណាងកម្ពុជា ២រូបនេះ មានភាពក្លាហាន អាចដណ្ដើមមកុដអន្តរជាតិបានមកទាំងព្រមបែបនេះ សូមស្ដាប់ចំណាប់អារម្មណ៍របស់បវរកញ្ញាតូចទាំងពីរដួងនេះ៖