សិល្បៈអន្តរជាតិ៖ ម្ចាស់មកុដបវរកញ្ញាចក្រវាឡឆ្នាំ២០២២ ឬ Miss Universe 2022 កញ្ញា R’Bonney Gabriel បានធ្វើឱ្យសាធារណជនមានការភ្ញាក់ផ្អើលនិងបង្កឱ្យមានការជជែកវែកញែកគ្នាបែកផ្សែង នៅពេលនាងបានចូលរួមក្នុងកម្មវិធីសម្ភាសន៍មួយហើយសារភាពថាមិនសូវមានទម្លាប់អនាម័យប៉ុន្មាននោះឡើយ។
ទើបតែផ្ទេរមកុដ Miss USA ឱ្យទៅបវរកញ្ញា Morgan Romano ដើម្បីបញ្ចប់សាច់រឿងឈ្នះមកុដដោយ
សារខ្សែនឹកស្មានថាជីវិតបានស្ងប់សុខ ប៉ុន្តែពេលនេះ R’Bonney បានបង្កើតសាច់រឿងថ្មីមួយទៀតដែលធ្វើឱ្យសាធារណជននិង អ្នកលេងបណ្ដាញសង្គមលើកយករឿងនេះមកប្រកែកនិងវែកញែកគ្នា ជាពិសេសនៅលើ Twitter។
ដោយម្ដងនេះរឿងដែលធ្វើឱ្យម្ចាស់មកុដវ័យ២៨ឆ្នាំរងនូវការរិះគន់នោះ ព្រោះតែនាងបានសារភាពថានាងប្រើប្រាស់វិធីស្មោគគ្រោកដើម្បីរក្សាសម្រស់ឱ្យមើលទៅនៅតែស្អាតនិងស្រស់ជានិច្ច គ្រាន់តែវិធីដែលនាងជ្រើសរើសយកមកប្រើនោះរាងខុសប្លែកខ្លាំងរហូតដល់អ្នកដែលបានឮហើយនិយាយលែងចេញ។
នៅក្នុងកម្មវិធីមួយ R’Bonney បានសារភាពថានាងមិនចូលចិត្តកក់សក់នោះទេ។ ម្ចាស់មកុដនិងជាអ្នកច្នៃម៉ូដដ៏ល្បីរូបនេះបានទម្លាយឱ្យដឹងថានាងមិនចូលចិត្តកក់សក់នោះទេ ព្រោះតែសក់នាងកាន់តែគគ្រិច កម្រិតនៃភាពរួចរបស់សក់និងម៉ូដសក់របស់នាងកាន់តែស្អាតជាងពេលដែលនាងកក់សក់។
ខ្ញុំមិនបានកក់សក់ញឹកញាប់នោះទេ ចាប់តាំងពីប្រកួតកម្មវិធីបវរកញ្ញាចប់កាលពីថ្ងៃទីមួយ ខែមករា ខ្ញុំនៅមិនទាន់បានកក់សក់ម្ដងនៅឡើយ។ គេបានយកផលិតផលផ្សេងៗមកបាញ់ និងលាបលើរបស់ខ្ញុំដើម្បីឱ្យសក់របស់ខ្ញុំមើលទៅរួញអង្កាញ់ៗជាផ្នត់ៗបានយូរ ហេតុដូច្នេះហើយសក់ខ្ញុំកាន់តែគគ្រិច សក់ខ្ញុំកាន់តែរក្សាភាពរួញ និងម៉ូដរបស់វាជាប់បានយូរ។