សិល្បៈអន្តរជាតិ៖ រូបភាពប៉ុន្មានសន្លឹករបស់ John Cena កំពុងតែធ្វើឱ្យអ្នកគាំទ្រចាប់អារម្មណ៍ និងមានចម្ងល់គ្រប់ៗគ្នា ព្រោះតែលោកស្លៀកសំពត់ខ្លី ពាក់ស្រោមបា និងស្បែកជើងកែងចោទ តើតារាហូលីវូដរូបនេះផ្លាស់ប្ដូររសនិយមឬមួយយ៉ាងណា?
ថ្មីៗនេះ អតីតកីឡាករកីឡាកាសដ៏ល្បីល្បាញ WWE វ័យ៤៥ឆ្នាំ ត្រូវបានអ្នកគាំទ្រប្រទះឃើញវត្តមានរបស់លោកនៅទីក្រុង Melbourne ប្រទសអូស្ដ្រាលី កំពុងថតភាពយន្តថ្មី «Ricky Stanicky» ដោយក្នុងនោះលោកបានស្លៀកសំពត់ប្រពៃណីរបស់ស្ត្រីថែមទៀតផង។
តាមពិតការដែល John Cena ពាក់អាវយឺតខ្មៅ សំពត់ខ្លីពណ៌ការ៉ូខ្មៅស ស្បែកជើងកែងចោទពណ៌ខ្មៅ និងស្រោមបាពណ៌ខ្មៅត្រឹមកំភ្លៅ គឺដកស្រង់ចេញពីឈុតឆាកមួយនៅក្នុងភាពយន្តថ្មីដែលលោកសម្ដែងតែប៉ុណ្ណោះ។ ភាពយន្តរឿង «Ricky Stanicky» ជាសាច់រឿងកំប្លែងដឹកនាំដោយ Peter Farrelly និយាយពីមិត្តភក្ដិបីនាក់ចូលចិត្តលេងសើចហើយបានដុតផ្ទះមួយ ក្រោយមកពួកគេបានបង្កើតតួអង្គម្នាក់ឱ្យមកទទួលកំហុសជំនួសពួកគេ។
រយៈពេលជាងពីរទស្សវត្សរ៍ដែលក្មេងៗទាំងបីប្រើពាក្យកុហកដើម្បីយករួចខ្លួន រហូតដល់ថ្ងៃមួយពួកគេចាំបាច់ត្រូវចាយលុយឱ្យតារាសម្ដែងម្នាក់មកដើរតួជា Stanicky។ យ៉ាងណាមិញកាលបរិច្ឆេទបញ្ចាំងរឿងនេះនៅមិនទាន់ បានកំណត់ជាក់លាក់នៅឡើយទេ។
តារាសម្ដែងល្បីបានបង្ហាញពីចំណាប់អារម្មណ៍ខ្លួនថា៖ «លើសពីរំភើបដែលខ្ញុំអាចធ្វើឱ្យតួអង្គដែលសម្ដែងមានជីវិតជីវ៉ានោះគឺការបានសម្ដែងជាមួយនឹងតារាសម្ដែងពូកែៗ។ អ្នកដឹកនាំ ផលិតករ និង ដៃគូសហការ ទាំងអស់គឺជាអ្នកបង្កើតសន្តិភាព។