សិល្បៈជាតិ៖ ហេតុអ្វីបានជាថ្ងៃនេះ ត្រយង លើកយកកូនស្រីត្រកូល អ៊ិន ២រូបមកជម្រាបជូនមហាជនអ្នកគាំទ្រទាំងអស់គ្នាបានស្គាល់? តើពួកគេជានរណា? រូបសម្រស់ស្រស់ស្អាតខ្លាំងកម្រិតណា បានជាឈ្នះមកុដពីកម្មវិធីធំៗនៃការប្រកួតសម្រស់បវរកញ្ញានៅកម្ពុជា?
ថ្ងៃនេះត្រយងនឹងនាំអារម្មណ៍អ្នកទាំងអស់គ្នាមកចាប់អារម្មណ៍បវរកញ្ញា ២ រូប ដែលជាកូនស្រីកើតចេញពីត្រកូល អ៊ិន។
ដំបូងត្រយងសូមណែនាំឱ្យស្គាល់ កញ្ញា អ៊ិន ម៉ូលីកា មានវ័យ ២៣ ឆ្នាំ ជាធីតាទើបតែឈ្នះមកុដពីកម្មវិធីធីតាឯកសង្ក្រាន្តរដូវកាលទី៤ នៅឆ្នាំ ២០២៣ ដែលជាធីតាតំណាងឱ្យខេត្ត សៀមរាប។ បើនិយាយបែបនេះទាំងអស់គ្នាច្បាស់ជាឆ្ងល់ថា កញ្ញា អ៊ិន ម៉ូលីកា កើតនៅក្នុងខេត្តសៀមរាបមែនទេ? ការពិតទៅមិនមែនទេ កញ្ញា អ៊ិន ម៉ូលីកា គឺជាបងស្រីបង្កើតរបស់កញ្ញា អ៊ិន លក្ខិណា ម្ចាស់មកុដMiss Supranational Cambodia 2022 និងជានារីដែលមានស្រុកកំណើតនៅខេត្តកំពង់ចាម។
មុនចូលមកដណ្ដើមមកុដធីតាឯកសង្ក្រាន្ត កញ្ញា អ៊ិន ម៉ូលីកា ធ្លាប់អតីតបេក្ខភាពប្រកួតក្នុងនៅក្នុងកម្មវិធី Miss Universe Cambodia 2022 ជាបេក្ខភាពជើងខ្លាំងមួយរូបមានភាពលេចធ្លោជាងគេ។ កញ្ញាក៏ធ្លាប់ជាអតីតបេក្ខភាព Face of Cambodia 2020 ផងដែរ។ ស្រីស្អាតជាកូនបងដែលកើតក្នុងត្រកូល អ៊ិន មួយរូបនេះ មានប្រជាប្រិយភាពខ្លាំងបំផុតនៅក្នុងវិស័យ Beauty Pageant នាងមានហ្វេនគាំទ្រច្រើនដែលចាំតាមដានរាល់សកម្មភាពរបស់នាង។
ចុះស្រីស្អាតបន្ទាប់ទៀតជាអ្នកណា? អ្នកទាំងអស់គ្នាមានចាំទេ កញ្ញា អ៊ិន លក្ខិណា មានវ័យ ២០ ឆ្នាំ ដែលជាស្ត្រីខ្មែរដំបូងគេបង្អស់បានគ្រងនូវមកុដ Miss Supranational Cambodia 2022 មានតម្លៃដល់ទៅ ១៥ ម៉ឺនដុល្លារ និងបានតំណាងឱ្យប្រទេសកម្ពុជាចេញទៅប្រកួតនៅប្រទេស ប៉ូឡូញ។
មុនក្លាយជាម្ចាស់មកុដពីកម្មវិធីលំដាប់អន្តរជាតិនេះ កញ្ញាធ្លាប់ចូលរួមប្រកួតក្នុងកម្មវិធី Miss Grand Cambodia 2021 ដោយទទួលបានចំណាត់ថ្នាក់លំដាប់រងទី ១ ពីកម្មវិធី បន្ទាប់ពីកញ្ញា ប៉ូ គីមថេងសុតធីតា ជាម្ចាស់គ្រងមកុដ Miss Grand Cambodia 2021។ យ៉ាងណាមិញ គេនៅចាំទៀតថា មុនពេលចូលរួមប្រកួតកម្មវិធីទាំង២ នេះ លក្ខិណា ក៏ជាស្អាតម្នាក់ធ្លាប់ចូលរួមប្រឡងក្នុងកម្មវិធី Miss World Cambodia នៅឆ្នាំ ២០១៩ ហើយកញ្ញាក៏ឈ្នះការប្រកួតបានតំណែងលំដាប់រងទី១។
កញ្ញា ក៏ធ្លាប់ជាតារាសម្ដែង និងបង្ហាញម៉ូដក្នុងពិភពហ្វេសសិន កញ្ញាមានសម្បុរស្បែកខ្មៅស្រអែម ទម្រង់មុខដូចកូនកាត់ រាងស្គមខ្ពស់ស្រឡះ ដែលជាភាពទាក់ទាញចិត្តមហាជនឱ្យចាប់អារម្មណ៍លើរូបសម្រស់ធម្មជាតិរបស់កញ្ញា។ សូមជម្រាបថា កញ្ញា អ៊ិន លក្ខិណា គឺជាកូនស្រីទី២ក្នុងត្រកូល អ៊ិន ដែលបានចូលមកប្រឡូកក្នុងវិស័យបវរកញ្ញានៅកម្ពុជា និងបានលើកមុខមាត់ឱ្យនារីនៅក្នុងខេត្តកំពង់ចាមឱ្យមានមោទកភាពក្រៃលែង។
បន្ទាប់ពីបានស្គាល់កូនស្រីទាំងពីរនៅក្នុងត្រកូល អ៊ិន ហើយនោះ តើប្រិយមិត្តទាំងអស់គ្នាដាក់ពិន្ទុបែបណាខ្លះ? កុំភ្លេច Comment ប្រាប់ Admin ផងណា៕