អ្នកចាំទី Arne Espeel សញ្ជាតិបែលហ្ស៊ិក វ័យ២៥ឆ្នាំ ត្រូវបានគេរាយការណ៍ថា បានដួលនៅលើទីលាន បន្ទាប់ពីការសង្គ្រោះការទាត់បាល់ប៉េណាល់ទី ១១ម៉ែត្រ កាលពីថ្ងៃសៅរ៍ ទី១១ ខែកុម្ភៈ ឆ្នាំ២០២៣ កន្លងទៅ ហើយរូបគេបានផុតដង្ហើមក្រោយបានបញ្ជូនទៅដល់មន្ទីពេទ្យ។
កីឡាករ Arne Espeel ត្រូវបានគេស្គាល់ថា ជាអ្នកចាំទី និងជាកីឡាកររបស់ក្លិប Winkel Sport B ក្នុងប្រទេសបែលហ្សិក។
បន្ទាប់ពីមានរឿងដ៏អកុសលនេះបានកើតឡើងលើកីឡាករ វ័យ២៥ឆ្នាំ រូបនេះរួច ក្លិប Winkel Sport B បានសរសេរនៅក្នុងសេចក្តីថ្លែងការណ៍មួយថា ក្លិបកំពុងស្ថិតក្នុងការកាន់ទុក្ខដ៏ក្រៀមក្រម និងសោកសៅជាទីបំផុត ដោយសារតែការបាតបង់នូវសមាជិករបស់ក្រុមម្នាក់ ដែលរូបគាត់ជាអ្នកចាំទីដ៏ឆ្នើមម្នាក់ផងដែរ។
