ការប្រកួតពានរង្វាន់ Cambodian League Cup ឆ្នាំ២០២៣ សប្តាហ៍ទី៤ បានប្រកួតកាលពីថ្ងៃទី៤ និងទី៥ ខែមីនា ឆ្នាំ២០២៣ កន្លងទៅ ដោយមានជំនួប ៦គូផ្សេងគ្នា ហើយក្នុងនោះមាន ៣ប្រកួតនៅក្នុងពូល A និង ៣ទៀតប្រកួតទៀតក្នុងពូល B ។
ដោយការប្រកួតនៅក្នុងពូល A ជំនួបរវាងក្រុមបាល់ទាត់វិសាខា ប៉ះក្រុមបាល់ទាត់គិរីវង់សុខសែនជ័យ គឺជាជំនួប ដែលមានអ្នកទស្សនាច្រើនជាងគេប្រចាំសប្តាហ៍ទី៤ នៃពានរង្វាន់ Cambodian League Cup ឆ្នាំ២០២៣។
សម្រាប់ការប្រកួតដែលមានអ្នកចូលរួមទស្សនាផ្ទាល់នៅក្នុងកីឡដ្ឋានខាង ៦ផ្សេងគ្នានោះមានដូចជា៖
ពូល A សរុបចំនួន ២,៤៧៦នាក់៖
- ព្រៃវែង ទល់និង អគីសនីកម្ពុជា មានចំនួន៦២៨នាក់ នៅកីឡដ្ឋានខេត្តព្រៃវែង។
- បឹងកេត ទល់និង សមាគមបាល់ទាត់ខ.ក.ន មានចំនួន៧៦៧នាក់ នៅ កីឡដ្ឋានខេមបូឌ៊ា អ៊ែវេ។
- វិសាខា ទល់និង គិរីវង្សសុខសែនជ័យ មានចំនួន១,០៨១នាក់ នៅកីឡដ្ឋាន KMH Stadium។
ពូល B សរុបចំនួន ២,០៦២នាក់
- សូលទីឡូអង្គរ ទល់និង នគរបាលជាតិ មានចំនួន៤៧៥នាក់ នៅកីឡដ្ឋានហានុមាន។
- ភ្នំពេញក្រោន ទល់និង អង្គរថាយហ្គឺរ មានចំនួន៦១៥នាក់ នៅកីឡដ្ឋាន Smart RSN។
- ស្វាយរៀង ទល់និង ណាហ្កាវើដ៍ មានចំនួន៩៧២នាក់ នៅកីឡដ្ឋានស្តាតចាស់។
