ពានរង្វាន់សម្តេចតេជោ ហ៊ុន សែន លើកទី១៧ ឆ្នាំ២០២៣-២០២៤ (ថ្នាក់ខេត្ត) គ្រោងនឹងប្រព្រឹត្តិទៅចាប់ពីថ្ងៃទី២៨ មីនា ២០២៣ រហូតដល់ ថ្ងៃទី៧ តុលា ២០២៣ ដោយមានក្រុមចំនួន២០ចូលរួមប្រកួត បែងចែកជា៤ពូល៖ ក, ខ, គ, ឃ។
បន្ទាប់ពីគណៈកម្មការរៀបចំការប្រកួតពានរង្វាន់ សម្តេចអគ្គមហាសេនាបតីតេជោ ហ៊ុន សែន នៃសហព័ន្ធកីឡាបាល់ទាត់កម្ពុជា បានបញ្ចប់ការរៀបចំសិក្ខាសាលាស្តីពី ការធ្វើបទបង្ហាញអំពីវិធាន និងបទបញ្ញត្តិស្តីពី បច្ចេកទេស និងគ្រប់គ្រងការប្រកួត សម្រាប់ការប្រកួតនៅបន្ទប់សាលប្រជុំ មជ្ឈមណ្ឌលជាតិហ្វឹកហ្វឺនកីឡា។
កាលវិភាគប្រកួត ពានរង្វាន់ សម្តេចអគ្គមហាសេនាបតីតេជោ ហ៊ុន សែន លើកទី១៧ ឆ្នាំ២០២៣ (ថ្នាក់ខេត្ត) ដូចខាងក្រោមនេះ៖
គួររំលឹកថា ចាប់តាំងពីបង្កើតបន្ថែមនូវពានរង្វាន់ សម្ដេចអគ្គមហាសេនាបតីតេជោ ហ៊ុន សែន ថ្នាក់ខេត្ត ក្នុងឆ្នាំ២០១៨ មកដល់ឆ្នាំ២០២២កន្លងទៅ មានក្រុមចំនួន៥ ផ្សេងគ្នាបានគ្រងតំណែងជើងឯក ដែលក្នុងនោះ មានយុវជនសាលាបាល់ទាត់ជាតិបាទីអាយុក្រោម១៨ឆ្នាំ, ខេត្តត្បូងឃ្មុំ, ព្រៃវែងអេហ្វស៊ី, កោះកុងអេហ្វស៊ី និងភ្នំពេញហ្គាឡាក់ស៊ី។
សម្រាប់ម្ចាស់ជើងឯកពានរង្វាន់ សម្តេចអគ្គមហាសេនាបតីតេជោ ហ៊ុន សែន លើកទី១៦ ឆ្នាំ២០២២ (ថ្នាក់ខេត្ត) គឺក្លិបបាល់ទាត់ភ្នំពេញហ្គាឡាក់ស៊ី ក្រោយយកឈ្នះឧត្តរមានជ័យ ក្នុងលទ្ធផល ១-០ ខណ:ខេត្តកោះកុង ម្ចាស់ជើងឯកឆ្នាំ២០២១, ខេត្តព្រៃរែង ម្ចាស់ជើងឯកឆ្នាំ២០២០ និង ខេត្តត្បូងឃ្មុំ ម្ចាស់ជើងឯកឆ្នាំ២០១៩៕
