កីឡាការិនី ជា ហ្វារីយា របស់ក្រុមជម្រើសជាតិនារីអាយុក្រោម២០ឆ្នាំ ជាប់ឈ្មោះជាកីឡាករល្អប្រចាំការប្រកួត (Player of the Match) រវាងក្រុមជម្រើសជាតិនារីអាយុក្រោម២០ឆ្នាំ កម្ពុជា ប៉ះជាមួយមីយ៉ាន់ម៉ា កាលពីថ្ងៃទី០៨ ខែមីនា ឆ្នាំ២០២៣។
កីឡាការិនី ជា ហ្វារីយ៉ា បានជាប់ក្នុងបញ្ជីចុងក្រោយក្រុមជម្រើសជាតិនារីកម្ពុជា អាយុក្រោម ២០ឆ្នាំ ដើម្បីត្រៀមខ្លួនការប្រកួតពានរង្វាន់ AFC U20 Woman’s Asian Cup 2024 ជាមួយកីឡាការិនី ហាន ស្រីកែវ ជាសមាជិកក្រុមនារីរបស់ក្លិបបាល់ទាត់ភ្នំពេញក្រោន។
ក្រុមជម្រើសជាតិនារីកម្ពុជាអាយុក្រោម២០ឆ្នាំ បានរង់បរាជ័យក្រោមជើងក្រុមមីយ៉ាន់ម៉ា នៃពានរង្វាន់ AFC U20 Woman’s Asian Cup វគ្គជម្រុះជុំទី១ ក្នុងលទ្ធផល ២ទល់និង០ កាលពីល្ងាចថ្ងៃទី០៨ ខែមីនា ឆ្នាំ២០២៣ នៅកីឡដ្ឋាន ស្មាត អ អេស អិន (Smart RSN)។
ខណ:ជំនួបបន្ទាប់នៃពានរង្វាន់ AFC U20 Woman’s Asian Cup វគ្គជម្រុះជុំទី១ របស់ក្រុមជម្រើសជាតិនារីអាយុក្រោម ២០ឆ្នាំ ជួបជាមួយក្រុមនារីអាយុក្រោម ២០ឆ្នាំ ម៉ាឡេស៊ី នៅថ្ងៃទី១០ខែមីនា ឆ្នាំ២០២៣ វេលាម៉ោង ៤:០០នាទីរសៀល កីឡដ្ឋាន ស្មាត អ អេស អិន (Smart RSN)៕
