សូលទីឡូអង្គរ ជាក្រុមដែលទើបតែរកបានគ្រាប់បាល់ជាលើកដំបូងនៅក្នុងការប្រកួតពាន Cambodian League Cup 2023 គិតត្រឹមសប្ដាហ៍ទី៥ ដែលបានបញ្ចប់កាលពីថ្ងៃទី១២ ម្សិលមិញ។
គ្រាប់បានដំបូងរបស់ សូលទីឡូអង្គរ គឺជាការស៊ុតបញ្ចូលទីលើកក្រុម អាយ អេស អាយ ដង្កោសែនជ័យ នៅកីឡាដ្ឋាន AIA, KMH Parkក្នុងលទ្ធផល ៣ទល់និង២ ដោយរកបានដោយកីឡាករ ណង វីលិក នាទីទី៣៣ កីឡាករ គួរ សុភ័ក្រ្ត នៅនាទីទី៧២ និងកីឡាករ រដ្ឋ សំណាង នៅនាទីទី៩០+៥។
ជំនួប៥ប្រកួតរបស់ សូលទីឡូអង្គរ ក្នុងពានរង្វាន់ Cambodian League Cup 2023 កន្លងមក៖
- សប្ដាហ៍ទី១៖ សូលទីឡូអង្គរ ០-២ ភ្នំពេញក្រោន នៅកីឡដ្ឋាន ស្មាត អ.អេស.អិន
- សប្ដាហ៍ទី២៖ សូលទីឡូអង្គរ ០-០ អង្គរថាយហ្គឺរ នៅកីឡដ្ឋាន ហនុមាន
- សប្ដាហ៍ទី៣៖ សូលទីឡូអង្គរ ០-៦ ណាហ្គាវើលដ៏ នៅកីឡដ្ឋាន ខេត្តកំពង់ស្ពឺ
- សប្ដាហ៍ទី៤៖ សូលទីឡូអង្គរ ០-២ នគរបាលជាតិ នៅកីឡដ្ឋាន ហនុមាន
- សប្ដាហ៍ទី៥៖ សូលទីឡូអង្គរ ៣-២ អាយ អេស អាយ ដង្កោសែនជ័យ នៅកីឡដ្ឋាន AIA, KMH Park៕