ក្លិបបាល់ទាត់វិសាខា ១គ្រាប់, ភ្នំពេញក្រោន និងព្រះខ័នរាជស្វាយរៀង ២គ្រាប់ គឺជាក្រុមដែលមានគ្រាប់បាល់គេស៊ុតចូលតិចជាគេ ខណ:គិរីវង់សុខសែនជ័យ និងណាហ្គាវើលដ៍ មាន ៣គ្រាប់ដូចគ្នា។
វិសាខា រកបាន ១០គ្រាប់ របូតគ្រាប់បាល់ ១គ្រាប់ ឆ្លងកាត់ ៤ប្រកួត ឈ្នះទាំង៤។ ភ្នំពេញក្រោន រកបាន ១៣គ្រាប់ របូតគ្រាប់បាល់ ២គ្រាប់ ឆ្លងកាត់ ៤ប្រកួត ឈ្នះទាំង៤។ ព្រះខ័នរាជស្វាយរៀង រកបាន ១០គ្រាប់ របូតគ្រាប់បាល់ ២គ្រាប់ ឆ្លងកាត់ ៤ប្រកួត ឈ្នះ២ ចាញ់១ ស្មើ១។
ឆ្លងកាត់៥សប្តាហ៍នៃពានរង្វាន់ Cambodian League Cup រដូវកាល ២០២៣ មានតែ២ក្រុមប៉ុណ្ណោះដែលមិនទាន់ស្គាល់ពាក្យថាចាញ់ នោះគឺភ្នំពេញក្រោន និងវិសាខា ដោយលេងចំនួន៤ប្រកួត ឈ្នះទាំង៤ មាន១២ពិន្ទុពេញ។ ក្រុមដែលគេស៊ុតចូលទីច្រើនជាងគេគឺ អង្គរថាយហ្គឺរ ឆ្លងកាត់៤ប្រកួត ចាញ់៣ ស្មើ១ គេស៊ុតចូល ១៧គ្រាប់ និងអគ្គិសនីកម្ពុជា ឆ្លងកាត់៤ប្រកួត ឈ្នះ១ ចាញ់៣ គេស៊ុតចូល១៥គ្រាប់៕
