សិល្បៈជាតិ៖ គិតមកទល់ពេលនេះ គេសង្កេតឃើញមានតារាសម្ដែងអាស៊ីចំនួន ៥ រូបមកហើយ ដែលមានឈ្នះពានរង្វាន់ Oscar ក្នុងផ្នែកសម្តែង។ តើមានតារាណាខ្លះ តោះមកតាមដានទាំងអស់គ្នា ៖
1-លោក ហាំង ង៉ោ
លោក ហាំង ង៉ោ ជាតួសម្តែង និងជាអ្នកនិពន្ធជនជាតិខ្មែរដែលបានទទួលពានរង្វាន់អូស្ការ (Oscar) ក្នុងឆ្នាំ១៩៨៥ ក្នុងផ្នែកតួសម្តែងរងល្អបំផុត សម្រាប់ការសម្តែងជាលើកដំបូងរបស់លោកនៅក្នុងរឿង «វាលពិឃាត» (The Killing Fields) ដែលនិយាយពីជីវិតរបស់អ្នកសារព័ត៌មានលោក ឌិត ប្រន។ ជាអកុសលលោក ហាំង ង៉ោ បានទទួលមរណៈភាព នៅថ្ងៃទី២៥ ខែកុម្ភៈ ឆ្នាំ១៩៩។ លោកបានក្លាយជាបុរសខ្មែរដំបូងគេបង្អស់ដែលមានឈ្នះពានរង្វាន់ពី Oscar។
2-លោក Ke Huy Quan
លោក Ke Huy Quan បានក្លាយជាតារាសម្តែងដើមកំណើតវៀតណាមដំបូងគេដែលឈ្នះពានរង្វាន់អូស្ការក្នុងឆ្នាំ ២០២៣ ក្នុងផ្នែកតួសម្តែងរងល្អបំផុត។ លោកបានក្លាយជាតួឯកប្រុសអាស៊ីទី ២ បន្ទាប់ពី លោក ហាំង ង៉ោ នៅក្នុងប្រវត្តិសាស្ត្រនៃពានរង្វាន់របស់អូស្ការ។ លោក Ke Huy Quan ធ្លាប់បានចូលរួមសម្ដែងភាពយន្តក្នុងឧស្សាហកម្មរបស់ហូលីវូដតាំងពីវ័យកុមារមកម្ល៉េះ ដោយលោកសម្ដែងនៅក្នុងរឿង Indiana Jones និង Temple of Doom (1984) រឿង Data in The Goonies (1985) រឿង “Head of the Class” (1991) និងរឿង Encino Man (1992) ផងដែរ។
3-លោកស្រី Miyoshi Umeki
តារាសម្ដែង និងច្រៀងជនជាតិជប៉ុន គឺលោកស្រី Miyoshi Umeki បានក្លាយជាតារាស្រីអាស៊ីដំបូងគេបង្អស់ក្នុងប្រវត្តិសាស្ត្រដែលបានឈ្នះពានរង្វាន់អូស្ការនៅក្នុងឆ្នាំ ១៩៥៨ ក្នុងផ្នែកតួសម្តែងរងល្អបំផុត តាមរយៈភាពយន្តរឿង Sayonara។ លោកស្រីកើតនៅថ្ងៃទី៨ ខែឧសភា ឆ្នាំ ១៩២៩ ហើយបានមរណភាពនៅថ្ងៃទី ២៨ ខែសីហា ឆ្នាំ ២០០។ លោកស្រីបានសម្ដែងជាតួ Katsumi ក្នុងភាពយន្ត Sayonara ឆ្នាំ ១៩៥៧ ហើយសម្ដែងជាតួ Mei Li ភាពយន្តតន្ត្រី Broadway ឆ្នាំ ១៩៦។
4-លោកស្រី Youn Yuh-jung
តារាសម្ដែងជើងចាស់កូរ៉េខាងត្បូងគឺលោកស្រី Youn Yuh-jung បានឈ្នះពានរង្វាន់អូស្ការក្នុងផ្នែកតារាសម្តែងរងល្អបំផុតនៅឆ្នាំ ២០២១ ក្នុងវ័យ ៧៣ ឆ្នាំ តាមរយៈភាពយន្តរឿង Minari សម្ដែងជាតួជីដូន។ លោកស្រី Youn គឺជាតារាសម្តែងស្រីដំបូងបង្អស់របស់ប្រទេសកូរ៉េខាងត្បូងដែលបានឈ្នះពានរង្វាន់អូស្ការ និងជាតារាស្រីអាស៊ីលំដាប់ទី ២បន្ទាប់ពីតារាសម្តែងជនជាតិជប៉ុន Miyoshi Umeki ដែលបានឈ្នះតាំងពីឆ្នាំ ១៩៥៨ នៅក្នុងរឿង Sayonara ។ ភាគច្រើនមហាជនអ្នកគាំទ្រចាប់អារម្មណ៍ចំពោះលោកស្រី តាមរយៈរឿងភាគលើកញ្ចក់ទូរទស្សន៍កូរ៉េខាងត្បូងអស់ពេលជាច្រើនទសវត្សរ៍មកហើយ ដោយលោកស្រីសម្ដែងជាតួអង្គកាច ឆ្នាស។
5-លោកស្រី Michelle Yeoh
លោកស្រី Michelle Yeoh បានបង្កើតកំណត់ត្រាប្រវត្តិសាស្ត្រដោយបានដើរជាតួអង្គនាង Evelyn Quan Wang នៅក្នុងខ្សែភាពយន្តឈ្មោះ «Everything Everywhere All At Once»។ ភាពយន្តនេះបានទទួលបានរង្វាន់អូស្ការចំនួន៧ រួមមានទាំងពានរង្វាន់រូបភាពល្អបំផុត (Best Picture) និងពានរង្វាន់តួរងប្រុសល្អបំផុតសម្រាប់លោក Ke Huy Quan ផងដែរ។ លោកស្រីជាតារាភាពយន្តដែលមានដើមកំណើតនៅប្រទេសម៉ាឡេស៊ី និងមានឈាមជ័រសែស្រឡាយចិន។ លោកស្រីជាតារាឯកស្រីអាស៊ីដំបូងគេបង្អស់ដែលទទួលបានពានរង្វាន់អូស្ការផ្នែកតួឯកស្រីល្អបំផុតនៅឆ្នាំ ២០២៣នេះ៕