ពានរង្វាន់បាល់ទះជើងឯកប្រទេសវៀតណាម Duc Giang Chemical Cup 2023 វិញ្ញាសាផ្នែកបុរសកំពុងប្រកួតជម្រុះតាមពូល ខណៈកីឡាករ វៀន វាសនា របស់កម្ពុជា កំពុងប្រកបអាជីពជាមួយក្លិប Lavie Long An ដែលជាសមាជិកក្នុងពូល B។
ក្រោយឆ្លងកាត់២ប្រកួតកន្លងទៅ ក្លិបបាល់ទះ Lavie Long An របស់កីឡាករ វឿន វាសនា ហាក់មិនទាន់បានទទួលផលផ្លែផ្កា និងលទ្ធផលនោះទេ បន្ទាប់ពីចាញ់ ២ប្រកួតជាប់គ្នា ដោយប្រកួតដំបូងចាញ់ក្រុម Ninh Bình LVPB ដែលជាម្ចាស់ជើងឯកឆ្នាំចាស់ និងជាម្ចាស់ជើងឯក៩សម័យកាល ដោយលទ្ធផលទាំងប្រផុតប្រផើយ ២សិត ទល់និង៣ (២០-២៥,១៩-២៥,២៥-២២,២៥-២០,១៣-១៥) កាលពីថ្ងៃទី១១ ខែមីនា ឆ្នាំ២០២៣។
ក្រោយមកក្លិបបាល់ទះ Lavie Long An បន្តចាញ់ក្រុម Bien Phong ក្នុងលទ្ធផល ៣សិតទល់នឹង១ (២២-២៥, ២៥-១៩, ២៥-១៨, ២៥-២០) កាលពីថ្ងៃអាទិត្យ ទី១២ ខែមីនា ឆ្នាំ២០២៣។
ដោយឡែកសម្រាប់ការប្រកួតបន្ទាប់របស់ក្លិបបាល់ទះ Lavie Long An នឹងត្រូវជួបជាមួយក្រុម VLXD Bình Dương វេលាម៉ោង ៨.០០នាទីយប់ ដែលជាជំនួបទី៣ ក្នុងការប្រកួតជម្រុះក្នុងពូលB ក្នុងពានរង្វាន់បាល់ទះជើងឯកប្រទេសវៀតណាម Duc Giang Chemical Cup 2023 ។
សម្រាប់កម្មវិធីប្រកួតបន្ទាប់ក្នុងពូល B របស់ក្រុម Lavie Long An គឺ៖
18 មីនា 2023 15:00 Thể Công ប៉ះ Lavie Long An៕
