សហព័ន្ធកីឡាអេឡិចត្រូនិកកម្ពុជា (EFC) បានប្រកាសលើកពេលរៀបចំការប្រកួតជម្រុះជើងឯកថ្នាក់ជាតិ ដើម្បីស្វែងរកកីឡាករដែលមានគុណផលខ្ពស់ តំណាងឲ្យកម្ពុជា លើវិញ្ញាសា eFootball (Console PS4) នឹងត្រូវពន្យារពេលទៅចុងខែមីនា ឆ្នាំ២០២៣ វិញដោយត្រូវលើកទៅថ្ងៃទី២៩ ដល់ថ្ងៃទី៣១ ខែមីនា ឆ្នាំ២០២៣។
ការប្រកួតជម្រុះជើងឯកថ្នាក់ជាតិ ដើម្បីស្វែងរកកីឡាករដែលមានគុណផលខ្ពស់ តំណាងឲ្យកម្ពុជា ទៅចូលរួមការប្រកួតថ្នាក់តំបន់ តាមរយៈ Online ឆ្ពោះទៅដណ្តើមកៅអីចូលរួមការប្រកួតកម្រិតពិភពលោក IESF World Championship លើកទី១៥ ឆ្នាំ២០២៣ នៅទីក្រុង IASI ប្រទេស Romania។
សូមបញ្ជាក់ថា ក្រៅពីវិញ្ញាសាដែលសហព័ន្ធកីឡាអេឡិចត្រូនិកនឹងចូលរួមប្រកួត 15th IESF World Championship ឆ្នាំ២០២៣ រួមមាន៖
១. PUBG Mobile ក្រុមកីឡាករដែលមានពិន្ទុខ្ពស់ជាងគេពីការប្រកួត PMPL នឹងត្រូវក្លាយជាក្រុមតំណាងកម្ពុជា
២. Mobile Legend: Bang Bang ក្រុមលេខ ១ វិញ្ញាសាផ្នែកបុរស ពីការប្រកួតជើងឯកថ្នាក់ជាតិRoad to 32nd SEA GAMES នឹងត្រូវក្លាយជាក្រុមតំណាងកម្ពុជា
៣. efootball (Console PS4) កីឡាករលេខ១ ពីការប្រកួតជម្រុះ នឹងត្រូវក្លាយជាកីឡាករតំណាងកម្ពុជា
ក្រុមតំណាងកម្ពុជានឹងត្រូវចូលរួមប្រកួតជម្រុះថ្នាក់តំបន់ដើម្បីដណ្តើមកៅអី ទៅប្រកួត 15th IESF World Championship ឆ្នាំ២០២៣។
ការប្រកួត 14th IESF World Championship 2022 កន្លងទៅកម្ពុជាបានបញ្ជូលក្រុមកីឡាE-Sport ក្នុងវិញ្ញាសារ MLBB ក្រុម Impunity KH ធ្វើបានក្នុងចំណាត់ថ្នាក់លេខ៣ (មេដាយសំរឹទ្ធ) ក្រុមឥណ្ឌូនេស៊ី ជើងឯក (មេដាយមាស) និងលេខ២ ក្រុមហ្វីលីពីន (មេដាយប្រាក់)។ ខណ:ការប្រកួត 15th IESF World Championship 2023 នឹងត្រូវធ្វើឡើងនៅប្រទេស រ៉ូម៉ានី ដែលគ្រោងចាប់ផ្ដើមនៅថ្ងៃទី ថ្ងៃទ២៥ ខែសីហា ដល់ថ្ងៃទី០៣ ខែកញ្ញាឆ្នាំ២០២៣៕