ប្រុសស្អាតពីររូប ពីក្រុម 2PM គឺ Taecyeon និង Chansung បានចែករំលែកបទពិសោធដ៏រន្ធត់របស់ខ្លួននៅក្នុងកម្មវិធី «Ask Us Anything»។
នៅក្នុងកម្មវិធីនោះ Nickhun បានរំលឹកដល់រឿងរន្ធត់មួយដែល Taecyeon ឆ្លងកាត់ ព្រោះមានមនុស្សប្លែកមុខបានបុកចូលទៅក្នុងបន្ទប់របស់លោកទាំងយប់។ ដោយសាមីខ្លួន Taecyeon បានបង្ហើបថា៖
«កាលណោះពួកយើងទៅសម្ដែងតន្ត្រីនៅប្រទេសសិង្ហបុរី ពួកខ្ញុំស្នាក់នៅសណ្ឋាគារមួយ ខ្ញុំនិង Chansung គេងនៅបន្ទប់ជាមួយគ្នា។ រឿងគឺអ៊ីចេះ ខ្ញុំនិង Chansung ចូលចិត្តគេងស្រាត។ ពេលនោះខ្ញុំឮសំឡេងសោរទ្វារលោតទឺត ហើយទ្វារក៏របើក។ បន្ទាប់មកខ្ញុំឮសំឡេងមនុស្សស្រីប្រហែល៥ទៅ៦នាក់ជជែកគ្នាខ្សឹបៗ ខ្ញុំគិតក្នុងចិត្ត តិចមានអ្នកចូលបន្ទប់ខុសទេដឹង? យ៉ាងម៉េចអ៊ីចេះ? តើមានរឿងអីទៅ? ពេលនោះបេះដូងខ្ញុំលោតយ៉ាងខ្លាំង។ ពួកគេចូលមកដល់ក្នុងបន្ទប់ ពេលនោះភ្នែកខ្ញុំនិងគេសម្លឹងមើលគ្នា ដោយសារទីនោះជាប្រទេសសិង្ហបុរី មិនមែនកូរ៉េ ពួកគេជាជនបរទេស ខ្ញុំរន្ធត់ខ្លាំងពេលនោះខ្ញុំបាន ប្រើសម្ដីជេរដូចជាពាក្យឆ្កួតជាភាសាអង់គ្លេស ពេលនោះពួកគេបានជេរត្រលប់មកខ្ញុំវិញ។»
ខណៈសមាជិករួមក្រុម និង រួមបន្ទប់ក្នុងពេលនោះដែរ Chansung បានលូកមាត់ចូលថា៖ «ខ្ញុំកំពុងគេងលក់ ពេលនោះខ្ញុំឮ Taecyeon ប្រើពាក្យជេរស្ដីយ៉ាងច្រើន ដូច្នេះខ្ញុំក៏ក្រោកឡើងសួរគាត់ តើមានរឿងអី? មានបញ្ហាអីមែនទេ? ស្រាប់តែពេលនោះខ្ញុំស្រែកយ៉ាងខ្លាំង ព្រោះមានមនុស្សឈរនៅចំពោះមុខខ្ញុំ ពេលនោះខ្ញុំរន្ធត់យ៉ាងខ្លាំង ព្រោះតែខ្ញុំបានគេងលក់។»
Taecyeon បានបន្ថែមដែរថា ពួកគេបានប្រាប់ទៅសណ្ឋាគារចំពោះហេតុការណ៍នេះ ហើយដើម្បីជាការសុំទោសចំពោះពួកគេ ខាងសណ្ឋាគារបានឱ្យស្រា Champagne ៕