វិញ្ញាសាបាល់ទាត់បុរសអាយុក្រោម២២ឆ្នាំបុរស ដែលនឹងចូលរួមប្រកួតនៅក្នុងព្រឹត្តិការណ៍ស៊ីហ្គេម លើកទី៣២ ឆ្នាំ២០២៣ ដែលកម្ពុជាធ្វើជាម្ចាស់ផ្ទះ ដែលកម្មវិធីចាប់ឆ្នោតរួចរាល់ហើយកាលពីថ្ងៃទី០៥ ខែមេសា ឆ្នាំ២០២៣។
ក្រុមបាល់ទាត់ជម្រើសជាតិបុរសអាយុក្រោម២២ឆ្នាំ៖
- ពូល A មាន៖ កម្ពុជា, ឥណ្ឌូនេស៊ី, មីយ៉ាន់ម៉ា, ហ្វីលីពីន, ទីម័រឡេស្តេ
- ពូល B មាន៖ វៀតណាម,ថៃ, សិង្ហបុរី, ម៉ាឡេស៊ី, ឡាវ
សម្រាប់កាលវិភាគប្រកួតបាល់ទាត់ ផ្នែកបុរស នៅក្នុងព្រឹត្តិការណ៍ស៊ីហ្គេម លើកទី៣២ នឹងត្រូវធ្វើឡើងមុនពិធីបើកព្រឹត្តិការណ៍ស៊ីហ្គេម នឹងចាប់ផ្ដើមប្រកួតដំណាលគ្នាចាប់ពីថ្ងៃទី២៩ ខែមេសា ឆ្នាំ២០២៣។
កាលវិភាគប្រកួតក្រុមជម្រើសជាតិបុរសអាយុក្រោម២២ឆ្នាំ មានដូចខាងក្រោម៖
- ថ្ងៃទី២៩ ខែមេសា កម្ពុជា ប៉ះ ទីម័រឡេស្តេ នៅពហុកីឡដ្ឋានជាតិអូឡាំពិក វេលាម៉ោង ០៧:០០នាទីយប់តទៅ
- ថ្ងៃទី០២ ខែឧសភា កម្ពុជា ប៉ះ ហ្វីលីពីន នៅពហុកីឡដ្ឋានជាតិអូឡាំពិក វេលាម៉ោង ០៧:០០នាទីយប់តទៅ
- ថ្ងៃទី០៧ ខែឧសភា កម្ពុជា ប៉ះ មីយ៉ាន់ម៉ា នៅពហុកីឡដ្ឋានជាតិអូឡាំពិក វេលាម៉ោង ០៧:០០នាទីយប់តទៅ
- ថ្ងៃទី១០ ខែឧសភា កម្ពុជា ប៉ះ ឥណ្ឌូនេស៊ី នៅពហុកីឡដ្ឋានជាតិអូឡាំពិក វេលាម៉ោង ០៧:០០នាទីយប់តទៅ
គួរដឹងថាព្រឹត្តិការណ៍កីឡាស៊ីហ្គេម លើកទី៣២ ដែលកម្ពុជាទទួលរៀបចំធ្វើជាម្ចាស់លើកដំបូងក្នុងរយ:ពេល ៦៤ឆ្នាំ នឹងប្រព្រឹត្តទៅចាប់ពីថ្ងៃទី៥ ដល់ថ្ងៃទី១៧ ខែឧសភា ឆ្នាំ២០២៣ ខណ:កីឡាអាស៊ានប៉ារ៉ាហ្គេម លើកទី១២ ឆ្នាំ២០២៣ នឹងចាប់ពីថ្ងៃទី៣ ដល់ថ្ងៃទី៩ ខែមិថុនា ឆ្នាំ២០២៣៕