ពិធីចាប់ឆ្នោតវិញ្ញាសាបាល់ទះផ្នែកបុរស ក្នុងសាល បានធ្វើការចាប់ឆ្នោតឡើងវិញ នៅថ្ងៃទី១៨ ខែមេសា នេះក្រោយមានការសម្រេចឲ្យរួមពីក្រុមហ្វីលីពីន ដើម្បីចូលរួមប្រកួតនៅក្នុងព្រឹត្តិការណ៍ស៊ីហ្គេម លើកទី៣២ ឆ្នាំ២០២៣ ដែលកម្ពុជាធ្វើជាម្ចាស់ផ្ទះ។
ដូចនេះក្នុងនោះ វិញ្ញាសាបាល់ទះផ្នែកបុរស ក្នុងសាល សរុបមានចំនួន ៨ប្រទេសចូលរួមមានម្ចាស់ផ្ទះ កម្ពុជា, ឥណ្ឌូនេស៊ី, មីយ៉ាន់ម៉ា, វៀតណាម, ថៃ, សិង្ហបុរី, ម៉ាឡេស៊ី ក្រោយមានបេក្ខភាពហ្វីលីពីន សុំចូលបន្ថែម នៅផុតថ្ងៃចុះបញ្ជី ទើបម្ចាស់ផ្ទះកម្ពុជា មានការស្នើសុំទៅ ប្រទេសអាស៊ានផ្សេងទៀត ជួយសម្រេចឲ្យចូលរួម និងសម្រេចចាប់ឆ្នោតឡើងវិញនៅថ្ងៃនេះ ដែលត្រូវចែកជា ២ពូលរួចរាល់ មានដូចខាងក្រោម៖
- ពូល A មាន៖ កម្ពុជា, ហ្វីលីពីន, ឥណ្ឌូនេស៊ី, សិង្ហបុរី
- ពូល B មាន៖ ម៉ាឡេស៊ី, មីយ៉ាន់ម៉ា, វៀតណាម, ថៃ
ព្រឹត្តិការណ៍កីឡាស៊ីហ្គេម លើកទី៣២ ដែលកម្ពុជា ទទួលរៀបចំធ្វើជាម្ចាស់លើកដំបូងក្នុងរយ:ពេល ៦៤ឆ្នាំ នឹងប្រព្រឹត្តទៅចាប់ពីថ្ងៃទី៥ ដល់ថ្ងៃទី១៧ ខែឧសភា ឆ្នាំ២០២៣ ខណ:កីឡាអាស៊ានប៉ារ៉ាហ្គេម លើកទី១២ ឆ្នាំ២០២៣ នឹងចាប់ពីថ្ងៃទី៣ ដល់ថ្ងៃទី៩ ខែមិថុនា ឆ្នាំ២០២៣៕
