កាលពីថ្ងៃទី៥ ខែកក្កដា តារាចម្រៀងជើងចាស់ ប្រចាំផលិតកម្ម ហង្សមាស លោក ណុប បាយ៉ារិទ្ធិ បានចេញមកជះកំហឹងមួយប្រាវ ដោយបានប្រាប់ទៅអ្នកស្គាល់គ្នាឱ្យជួយឆែករកគណនីហ្វេសប៊ុកមួយដែលបានជេរប្រមាថលោក និង ឱ្យជួយរៀបចំឯកសារទៅកាន់ក្រសួងពាក់ព័ន្ធ។
ពាក្យសំដីដែលធ្វើឱ្យលោក ណុប បាយ៉ារិទ្ធិ ផ្ទុះកំហឹងខ្លាំងនោះ ដោយសារតែគណនីហ្វេសប៊ុកនោះបានប្រើប្រាស់ពាក្យប្រមាថមកកាន់លោកជាច្រើនលើកច្រើនសារដូចជា «អាខ្ទើយលាក់មុខ» «ហែងខ្ទើយតែមិនប៊ានជាមួយការពិត អន់ណាស់ អាខ្ទើយតិរិច្ឆាន» «ទោះហែងខំលាក់បាំងគេ យ៉ាងណាក៏ដោយ ក៏គេដឹងដែរ មិនបាច់ធ្វើពុតទេ បើហែងខ្លាំងមែន មិនមែនរស់នៅបែបកុហកគេទេ» «ហើយហែងកុំខឹងគេបើហែងរិក (ចរិត) អន់មែននឹង»។
មិនអាចទ្រាំនឹងការប្រមាថនេះបានលោក ណុប បាយ៉ារិទ្ធិបានឱ្យមិត្តភក្ដិរបស់លោកជួយឆែកដើម្បីវែកមុខរកម្ចាស់គណនីដែលបានប្រើប្រាស់ពាក្យពេចន៍អាក្រក់មកលើជាគណនីពិតប្រាកដ ឬក៏ជាគណនីក្លែងក្លាយ មួយទៀតលោកក៏បានពឹងពាក់មិត្តភក្ដិលោករៀបចំឯកសារចាត់ចែងទៅតាមច្បាប់ដែរ។ នេះបើតាមសំណេររៀបរាប់របស់លោក ណុប បាយ៉ារិទ្ធិ ផ្ទាល់។
«Chanvichheka Chum ការ មិត្តភក្តិការឯងច្រើន ចឹងរៀបចំអោយពួកគាត់ជួយឆែកអាខោនមួយហ្នឹង និង រៀបចំឯកសារអោយបងផង ។ Ah Nea នាឯងស្គាល់ខាងក្រសួងច្រើន ជួយការងារមួយហ្នឹងជាមួយការផង ។ Sela Et Carri Carra Bong Reth Kbal Khoch»
