ក្រុមបាល់ទាត់អង្គរថាយហ្គឺរ ដែលកំពុងតែឈរកំពូលតារាងលីគកំពូលកម្ពុជា Metfone Cambodian League 2021 បណ្ដោះអាសន្ន បានយក៣ពិន្ទុពីម្ចាស់ផ្ទះព្រះខ័នរាជស្វាយរៀង ក្នុងសប្ដាហ៍ទី៦ នៅល្ងាចថ្ងៃអង្គារ ទី៦ ខែកក្កដា ឆ្នាំ២០២១ នេះលើទីលានកីឡដ្ឋានខេត្តស្វាយរៀង។
ក្រុមអង្គរថាយហ្គឺរ បានយកឈ្នះលើព្រះខ័នរាជស្វាយរៀង ២ទល់១ ខណៈគ្រាប់បាល់ជ័យជម្នះ២គ្រាប់របស់ក្រុមមកពីខេត្តសៀមរាប មួយនេះរកបានដោយកីឡាករ តាំង ពិសី នៅនាទីទី១០ និងកីឡាករ ឡុង ម៉េងហាវ នៅនាទីទី៧០។ ចំណែក១គ្រាប់របស់ក្រុមព្រះខ័នរាជស្វាយរៀង រកគ្រាប់បាល់១គ្រាប់ដោយកីឡាករ Robert Lopez Mendy។
សម្រាប់គូប្រកួតបន្ទាប់នៅថ្ងៃស្អែកក្រុមអាស៊ីអឺរ៉ុប ប៉ះក្រុមបឹងកេត នៅវេលាម៉ោង៣:៣០នាទីរសៀលលើទីលានកីឡដ្ឋាន អេ.អ៊ី.យូ ស្ពតផាក ហើយក្រុមអគ្គស្នងការដ្ឋាននគរបាលជាតិ ប៉ះក្រុមណាហ្គាវើល នៅវេលាម៉ោងដំណាលគ្នាលើទីលានកីឡដ្ឋានសេវេនអេនជី៕