សិល្បៈជាតិ៖ ក្រោយចប់ការប្រកួតវិញ្ញាសារបាល់ទះផ្នែកបុរសនៅពហុកីឡដ្ឋានជាតិ យ៉ាងកក្រើកនាយប់មិញនេះ គេស្រាប់តែឃើញ តារាចម្រៀងរ៉េប G-Devith បង្ហោះសារចាត់ដោតដល់បេះដូងហ្វេន។
ក្នុងការអបអរដល់ក្រុមកីឡាករជម្រើសជាតិកម្ពុជា និងជាសារផ្ដាំផ្ញើដល់អ្នកគាំទ្រផង លោក ងួន ចាន់ដេវីត បានបង្ហោះសារនៅលើហ្វេសប៊ុកផ្លូវការលោកថា ៖
ដំរីជើងបួនគង់មានភ្លាត់ អ្នកប្រាជ្ញចេះស្ទាត់គង់មានភ្លេច ។ ចេះឯងអោយក្រែងចេះគេ ។ ពុតគ្រូកុំត្រាប់ ច្បាប់គ្រូឲ្យយក ។ អ្នកមានរក្សាខ្សត់ ដូចសំពត់ព័ទ្ធពីក្រៅ អ្នកប្រាជ្ញរក្សាខ្លៅ ដូចសំពៅនូវសំប៉ាន។
ជូនពរអោយបងប្អូន កីឡាករ កីឡាការនី អត្តពលិក កម្ពុជាទទួលបានជោគជ័យក្នុងថ្ងៃនេះ ចូលកុំភ្លេចឥរិយាបទរបស់ពួកយើងចំពោះភ្ញៀវក្នុងកាលៈទេសៈនេះយើងជាម្ចាស់ផ្ទះ ។ ជោគជ័យរបស់កម្ពុជាកំពុងត្រូវបានចារឹកក្នុងទំព័រប្រវត្តិសាស្រ្តថ្មីហើយ។
G-Devith
ចំពោះការលើកឡើងរបស់តារាចម្រៀង G-Devith ខាងលើនេះ ត្រូវបានមហាជនគ្រប់គ្នាយល់ឃើញថា ពិតជាមានអត្ថន័យល្អខ្លាំងណាស់ ក្នុងលើកទឹកចិត្តដល់កីឡាករកម្ពុជាគ្រប់រូប និងជាពិសេសចំពោះអ្នកគាំទ្រកម្ពុជា ក្នុងការរក្សាបាននូវឥរិយាបទល្អរបស់ខ្លួនចំពោះភ្ញៀវមកពីប្រទេសដៃក្នុងនាមយើងជាម្ចាស់ផ្ទះ។
សូមជម្រាបថា នៅរាត្រីថ្ងៃទី ៨ ខែឧសភា ឆ្នាំ ២០២៣ ក្រុមបាល់ទះបុរសជម្រើសជាតិកម្ពុជាទទួលបានមេដាយប្រាក់នៅវគ្គផ្ដាច់ព្រ័ត្រប៉ះជាមួយឥណ្ឌូនេស៊ី ក្នុងលទ្ធផល ៣សិតទល់ ០ ដែលនេះយើងអាចនិយាយបានថា គឺការបើកទំព័រប្រវត្តិសាស្ត្រថ្មីមួយជូនជាតិកម្ពុជា ដោយឆ្នាំកន្លងក្រុមជម្រើសជាតិមួយនេះបានឈ្នះមេដាយសំរិទ្ធក្នុងអំឡុងពេលប្រកួតនៅប្រទេសវៀតណាម៕