ជាជោគជ័យថ្មីមួយទៀតសម្រាប់ក្រុមជម្រើសជាតិបាល់ទះបុរសកម្ពុជា ដែលបានឈ្នះមេដាយប្រាក់ក្នុងព្រឹត្តិការណ៍ ប្រកួតកីឡាស៊ីហ្គេម លើកទី៣២ ឆ្នាំ២០២៣។
ក្រុមជម្រើសជាតិបាល់ទះបុរសកម្ពុជា បានឡើងទៅកាន់វគ្គផ្ដាច់ព្រ័ត្រ បន្ទាប់ពីឈ្នះក្រុមបាល់ទះថៃ នៅវគ្គពាក់កណ្ដាកផ្ដាច់ព្រ័ត្រ ក្នុងលទ្ធផល ៣សិតទល់និង២ ឈានទៅកាន់វគ្គផ្ដាច់ព្រ័ត្រជួប ឥណ្ឌូណេស៊ី តែត្រូវបានរងបរាជ័យ ក្នុងលទ្ធផល ៣សិតទល់និង០ បានត្រឹមមេដាយប្រាក់ នាថ្ងៃទី០៨ ខែឧសភា ក្នុងពហុកីឡដ្ឋានជាតិ។
ចំណាត់ថ្នាក់មេដាយ វិញ្ញាសាបាល់ទះបុរសក្នុងសាល ក្នុងព្រឹត្តិការណ៍ស៊ីមហ្គេម លើកទី៣២៖
- ឥណ្ឌូណេស៊ី មេដាយមាស
- កម្ពុជា មេដាយប្រាក់
- វៀតណាម មេដាយសំរឹទ្ធ
- ថៃ លេខ ៤
- ហ្វីលីពីន លេខ ៥
- សិង្ហបុរី លេខ ៦
- មីយ៉ាន់ម៉ា លេខ ៧
- ម៉ាឡេស៊ី លេខ ៨
គួរបញ្ជាក់ថា ការទទួលបានមេដាយប្រាក់ គឺជាជោគជ័យថ្មីរបស់ក្រុមបាល់ទះបុរសក្នុងសាលកម្ពុជា បន្ទាប់ពីទទួលបានមេដាយសំរឹទ្ធកាលពីព្រឹត្តិការណ៍កីឡាស៊ីហ្គេម លើកទី៣១ នៅវៀតណាម ធ្វើបានយ៉ាងល្អនាការប្រកួតក្នុងពូល ហើយបន្តយកឈ្នះថៃនៅវគ្គពាក់កណ្តាលផ្តាច់ព្រ័ត្រ ក្នុងលទ្ធផល ៣-២៕
