ក្រោយចាកចេញពីក្រុមសូលទីឡូអង្គរ (Soltilo Angkor FC) សមាជិកពានរង្វាន់លីគកំពូលកម្ពុជា Metfone Cambodian League 2021 កាលពីសប្ដាហ៍មុន លោក Darren Pomroy ដែលជាគ្រូបង្វឹកចាស់បានសរសេរសារនៅលើហ្វេសប៊ុករបស់លោកដោយបញ្ជាក់ថាអ្នកដឹកនាំបន្ទាប់ពីលោកគឺអតីតកីឡាករភ្នំពេញក្រោម ដែលគេនិយមហៅថា Messi។
អត្ថបទពាក់ព័ន្ធ៖ក្លិបសូលទីឡូអង្គរ និងគ្រូបង្វឹក Darren Pomroy ចែកផ្លូវគ្នាមុនលីគប្រកួតឡើងវិញ៣ថ្ងៃ
សំណេរនៅល្ងាចថ្ងៃពុធ ម្សិលមិញនេះលោក Darren Pomroy គ្រូបង្វឹកជនជាតិអង់គ្លេស បានលើកឡើងថា៖«ខ្ញុំសូមជូនពរឱ្យ អ៊ុក សុធី (Messi) នឹងទទួលបានសំណាងល្អក្នុងការដឹកនាំក្រុមសូលទីឡូអង្គរ។ កីឡាករក្នុងក្រុមសុទ្ធតែមានការប្រឹងប្រែងខ្លាំង និងមានទេពកោសល្យ។ ខ្ញុំរីករាយដែលបានឃើញកីឡាករខ្មែរក្មេងៗ ដែលទទួលឱកាសបង្ហាញនៅក្នុងលីគកំពូលកម្ពុជា។ សូមសំណាងល្អ»។
យ៉ាងណាក្តីក្រុមសូលទីឡូអង្គរ នៅមិនទាន់ប្រកាសពីអ្នកដឹកនាំថ្មី ដែលត្រូវចូលមកដឹកនាំក្រុមជំនួសលោក Darren Pomroy ដែលចែកផ្លូវគ្នាកាលពីថ្ងៃទី១ ខែកក្កដា ឆ្នាំ២០២១ ថ្មីៗនេះ។
អត្ថបទពាក់ព័ន្ធ៖MCL 2021៖លើកការប្រកួតរវាងក្រុមសូលទីឡូអង្គរ ជាមួយនគរបាលជាតិ ល្ងាចនេះ
ក្នុងជំនួបជាមួយក្រុមអគ្គស្នងការដ្ឋាននគរបាលជាតិ ពីថ្ងៃពុធ ថ្មីៗនេះ របស់សូលទីឡូអង្គរ ត្រូវបានរំសាយចោលដោយសាររកឃើញមានកីឡាករម្នាក់មានវិជ្ជមានជំងឺកូវីដ-១៩។ យ៉ាងណាក្តីផែកការប្រកួតបន្ទាប់របស់ក្រុមនេះនឹងត្រូវជួបក្រុមម្ចាស់ផ្ទះព្រះខ័នរាជស្វាយរៀង នៅវេលាម៉ោង៦ល្ងាចថ្ងៃសៅរ៍ ទី១០ ខែកក្កដា ឆ្នាំ២០២១ ខាងមុខនេះ៕