ភាពយន្ត «Rehana Maryam Noor» ស្នាដៃដឹកនាំដោយជនជាតិបង់ក្លាដេស Abdullah Mohammad ផលិតដោយផលិតករជនជាតិសិង្ហបុរី Jeremy Chua បានកំណត់កាលបរិច្ឆេទ និងពេលវេលាបញ្ចាំងលើកដំបូងរបស់ខ្លួននៅក្នុងមហាស្រពភាពយន្តទីក្រុងកានលើកទី៧៤ កាលពីថ្ងៃទី៧ ខែកក្កដា ឆ្នាំ២០២១ វេលាម៉ោង១១:១៥ នាទីព្រឹកម៉ោងនៅប្រទេសបារាំង។
ភាពយន្តសញ្ជាតិបង់ក្លាដែសដែលរួមសហការផលិតដោយក្រុមផលិតបង់ក្លាដេសនិងសិង្ហបុរីនេះគឺជាភាពយន្តដំបូងដែលត្រូវបានជ្រើសឱ្យចូលក្នុងផ្នែក Un Certain Reagard នៅមហោស្រពភាពយន្តទីក្រុងកាន។
នៅថ្ងៃទី ៨ ខែកក្កដា ឆ្នាំ ២០២១ នេះ «Rehana Maryam Noor» ក៏នឹងបញ្ចាំងជូនទស្សនានៅក្នុងមហាស្រពភាពយន្តទីក្រុងកានម្ដងទៀតដែរ ដោយពេលវេលាបញ្ចាំងមានចំនួន ២លើក លើកទីមួយនៅម៉ោង ៨:៣០ នាទីព្រឹកម៉ោងនៅបារាំង ត្រូវនឹងម៉ោង១២:៣០ នាទីថ្ងៃត្រង់ម៉ោងនៅប្រទេសបង់ក្លាដេស និងលើកទីពីរ គឺនៅម៉ោង ១០ព្រឹក ម៉ោងនៅប្រទេសបារាំង ត្រូវនឹងម៉ោង ២រសៀលម៉ោងនៅប្រទេសបង់ក្លាដេស។
ភាពយន្ត «Rehanna Maryam Noor» បរិយាយពីសាស្ត្រាចារ្យនៅសកលវិទ្យាល័យម្នាក់ ឈ្មោះ Rehana Maryam Noor ដែលប្រទះឃើញហេតុការណ៍អាក្រក់មួយនៅតាមផ្លូវធ្វើដំណើរទៅផ្ទះវិញ។ តំណាងឱ្យកូនសិស្សរបស់ខ្លួន អ្នកគ្រូបង្រៀនរូបនេះបានប្រឆាំងជាមួយនឹងប្រព័ន្ធ ហើយក៏នឹងប្រឆាំងជាមួយរឿងរ៉ាវផ្សេងៗទៀតជាច្រើន។
គួរកត់សម្គាល់ផងដែរថារោងកុនដែលបញ្ចាំងភាពយន្តនេះមានអ្នកទស្សនាទៅតម្រង់ជួរយ៉ាងច្រើនកកកុញ ដែលធ្វើឱ្យមហាជនរង់ចាំមើលថា នៅថ្ងៃទី១៦ កក្កដាខាងមុខ ភាពយន្តនេះអាចនឹងទទួលបានពានរង្វាន់ណាមួយនៅផ្នែក Un Certain Regard៕
ទស្សនាឈុតឆាកខ្លីៗពីភាពយន្ត «Rehana Maryam Noor» ខាងក្រោមនេះ ៖
ប្រភព៖ TheDailyStar
