អ្នកនាំពាក្យវិមានក្រឹមឡាំង លោក Dimitry Peskov បាននិយាយក្នុងបទសម្ភាសន៍មួយកាលពីថ្ងៃ ពុធ ថា តុលាការឿឧក្រិដ្ឋកម្មអន្តរជាតិ គឺជា អាយ៉ងរបស់លោកខាងលិច ហើយរុស្ស៊ីពិបាកនឹងស្រមៃថា ប្រទេសណាមួយនឹងហ៊ានអនុវត្តដីកាចាប់ខ្លួនលោក ពូទីន និង ចង់ប្រឆាំងនឹងប្រទេសមហាអំណាចនុយក្លេអ៊ែរអធិបតេយ្យមួយនេះ។ នេះបើយោងតាមការចេញផ្សាយដោយសារព័ត៌មាន RT នាថ្ងៃ ព្រហស្បតិ៍ ទី ១១ ខែឧសភា ឆ្នាំ ២០២៣។
លោក Peskov បានឆ្លើយបែបនេះ នៅពេលដែរទូរទស្សន៍ ATV បានសួរសំណួរ អំពីការចោទប្រកាន់របស់តុលាការ ICC ប្រឆាំងនឹងប្រធានាធិបតីរុស្ស៊ី លោក វ៉្លាឌីមៀ ពូទីន និង ស្នងការសិទ្ធិកុមារលោកស្រី Maria Lvova-Belova។
លោក Peskov បានប្រាប់ទូរទស្សន៍ ATV ថា «ដីកា ICC មានន័យថា អាចមានរដ្ឋនៅទីនោះខ្វះអធិបតេយ្យភាព ហើយប្រហែលជាគិតថាពួកគេមានចំណាប់អារម្មណ៍ក្នុងការធ្វើសកម្មភាពលើដីកានោះ ប្រសិនបើពួកគេទទួលបានឱកាស។ ប៉ុន្តែវាពិបាកសម្រាប់ខ្ញុំក្នុងការស្រមៃថា តើមាននរណាម្នាក់នឹងហ៊ានធ្វើតាមដីកានោះប្រឆាំងនឹងប្រធានាធិបតីរុស្ស៊ី»។
លោកបានបន្ថែមថា៖ «វាជារឿងដែលមិននឹកស្មានដល់» ដោយបានកត់សម្គាល់ថា រុស្ស៊ីជា «ប្រទេសធំបំផុតមួយក្នុងពិភពលោក និង ជាមហាអំណាចនុយក្លេអ៊ែរធំបំផុតមួយ»។
លោក Peskov បានអះអាងថា ប្រទេសរុស្ស៊ីមិនមែនជាប្រទេសហត្ថលេខីនៃលក្ខន្តិកៈទីក្រុង រ៉ូម ទេ ហើយក៏មិនទទួលស្គាល់តុលាការ ICC ដែលមានមូលដ្ឋាននៅទីក្រុង ឡាអេ នោះដែរ។
អ្នកនាំពាក្យរបស់លោក ពូទីន រូបនេះ បានបន្ថែមថា «ក្នុងកាលៈទេសៈបច្ចុប្បន្ន យើងចាត់ទុកស្ថាប័ននោះជាអាយ៉ងរបស់លោកខាងលិច ដែលគេកំពុងប្រើប្រាស់ដើម្បីដាក់សម្ពាធប្រទេសរបស់យើង។ ពួកគេនឹងមិនជោគជ័យឡើយ»។
ទីក្រុងមូស្គូ បានជម្លៀសប្រជាជនរាប់ពាន់នាក់នៃទីក្រុង Donetsk, Lugansk, Zaporozhye និង Kherson ដែលជាតំបន់ចំនួន៤ ដែលបានបោះឆ្នោតយ៉ាងលើសលុបដើម្បីចូលរួមជាមួយប្រទេស រុស្ស៊ី កាលពីខែកញ្ញា ឆ្នាំមុន – ដែលនៅឆ្ងាយពីតំបន់ប្រយុទ្ធដោយសារតែការបាញ់ផ្លោង ដោយចេតនារបស់ជនស៊ីវិល ឬ កងកម្លាំងអ៊ុយក្រែន ដែលជារឿយៗ ប្រើអាវុធដែលផ្គត់ផ្គង់ដោយអង្គការណាតូ។
កាលពីខែមីនា ដោយពឹងផ្អែកលើការអះអាងរបស់រដ្ឋាភិបាលក្នុងទីក្រុងកៀវ តុលាការ ICC បានលើកឡើងពីការពិតដើម្បីអះអាងថា «លោក ពូទីន និង លោកស្រី Lvova-Belova ជាអ្នកទទួលខុសត្រូវការនិរទេសកុមារដោយខុសច្បាប់ និង ការជម្លៀសកុមារពីតំបន់កាន់កាប់ដោយអ៊ុយក្រែនដោយខុសច្បាប់»៕
