ដើម្បីអបអរសាទរដល់ក្រុមជម្រើសជាតិនារី កម្ពុជា ដែលបានឡើងទៅកាន់វគ្គពាក់កណ្ដាលផ្ដាច់ព្រ័ត្រ ក្នុងព្រឹត្តិការណ៍ប្រកួតកីឡាស៊ីហ្គេម លើកទី៣២ ក្នុងនាមជាម្ចាស់ផ្ទះ លោកជំទាវ កែ សួនសុភី ប្រធានក្លិបកីឡាបាល់ទាត់ វិសាខា បានឧបត្ថមទឹកប្រាក់ចំនួន ៥ ០០០ពាន់ដុល្លារអាមេរិក ដល់ក្រុមជម្រើសជាតិនារី កម្ពុជា។
នេះគឺជាការលើកទឹកចិត្តមួយពីសំណាក់លោកជំទាវ កែ សួនសុភី ដែលជាអ្នកស្រលាញ់វិស័យកីឡានៅក្នុងប្រទេសកម្ពុជា ដែលបានលះបង់ ថវិការ ទឹកចិត្ត និងពេលវេលចូលរួមផ្ដល់កម្លាំងចិត្តដល់កីឡាករ កីឡាការិនី ជម្រើសជាតិកម្ពុជា ដែលការបើកទំព័រប្រវត្តិសាស្ដ្រថ្មី បានឡើងទៅកាន់វគ្គពាក់កណ្ដាលផ្ដាច់ព្រ័ត្រ ក្នុងព្រឹត្តិការណ៍ប្រកួតកីឡាស៊ីហ្គេម លើកទី៣២។
សូមជូនពរលោកជំទាវ កែ សួនសុភី ថ្នាក់ដឹកនាំ គណៈគ្រប់គ្រង បុគ្គលិក ក្រុមការងារគ្រូ ក្រុមកីឡាករក្រុមកីឡាការិនី និងក្រុមកីឡាករយុវជនទាំងអស់ ក្រោមការគ្រប់គ្រង់របស់ លោកជំទាវ សូមមានសុខភាពល្អ សុភមង្គល សម្រេចជោគជ័យការងារថ្មីៗបន្ថែមទៀត និងសូមប្រកបតែពុទ្ធពរទាំង ៤ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។
ជាមួយគ្នានេះដែរ ក្រុមការងារសារព័ត៌មានត្រយង សូមជូនពរក្រុមបាល់ទាត់នារី កម្ពុជា ទទួលបានឱកាសឡើងទៅជុំបន្ត និងបន្តសាងប្រវត្តិសាស្រ្តជូនជាតិមាតុភូមិជាបន្តបន្ទាប់។
សូមបញ្ជាក់ថា រាត្រីនេះ គឺជាថ្ងៃប្រកួតរបស់ក្រុមជម្រើសជាតិនារីកម្ពុជា ក្នុងវគ្គពាក់កណ្ដាលផ្ដាច់ព្រ័ត្រ ទល់នឹងក្រុមជម្រើសជាតិនារីវៀតណាម ការប្រកួតនឹងចាប់ផ្ដើមចាប់ពីម៉ោង ៧:០០នាទីយប់តទៅពហុកីឡដ្ឋានជាតិ។ ខណ: ថៃនិងប៉ះ មីយ៉ាន់ម៉ា នៅម៉ោង ៧:០០នាទីយប់ នៅកីឡដ្ឋាន កីឡដ្ឋានកងយោធពលខេមរភូមិន្ទ (ស្តាតចាស់)៕
