ក្រុមបាលទះនារីជម្រើសជាតិថៃ បាននក្លាយជាម្ចាស់មេដាយមាសជាលើកទី១៦ នៅក្នុងព្រឹត្តិការណ៍ប្រកួតកីឡាអាស៊ីអាគ្នេយ៍ (ស៊ីហ្គេម) លើកទី៣២ នៅកម្ពុជា បន្ទាប់ពីយកឈ្នះលើកក្រុមនារីជម្រើសជាតិវៀតណាម នៅវគ្គផ្ដាច់ព្រ័ត្រ ក្នុងលទ្ធផល ៣សិតទល់និង១ កាលពីថ្ងៃទី១៤ ខែឧសភា ឆ្នាំ២០២៣ ក្នុងសាលពហុកីឡដ្ឋានជាតិ។
មុនឡើងមកកាន់វគ្គផ្ដាច់ព្រ័ត្រក្រុមបាល់ទះនារីថៃ បានយកឈ្នះក្រុមបាល់ទះនារីឥណ្ឌូណេស៊ី ៣-០ ឈ្នះមីយ៉ាន់ម៉ា ៣-០ និងឈ្នះម៉ាឡេស៊ី ៣-០។ ខណ:ក្រុមបាល់ទះនារីវៀតណាម បានយកឈ្នះសិង្ហបុរី ៣-០ ឈ្នះហ្វីលីពីន ៣-០ និងឈ្នកម្ពុជា ៣-០។
ឈានដល់វគ្គពាក់កណ្ដាលផ្ដាច់ព្រ័ត្រក្រុមបាល់ទះនារីថៃ បានយកឈ្នះហ្វីលីពីន ៣-០ និងវៀតណាម យកឈ្នះឥណ្ឌូណេស៊ី ៣-២ ឡើងទៅជួបគ្នានៅវគ្គផ្ដាច់ព្រ័ត្រ ក្រុមបាល់ទះនារីថៃបានយកឈ្នះក្រុមបាល់ទះនារីវៀតណាម ក្នុងលទ្ធផល ៣សិតទល់និង១ គ្រងមេដាយមាសលើកទី១៦ (ឆ្នាំ១៩៨៩, ១៩៩១, ១៩៩៥, ១៩៩៧, ២០០១, ២០០៣, ២០០៥, ២០០៧, ២០០៩, ២០១១, ២០១៣, ២០១៥, ២០១៧, ២០១៩, ២០២១, ២០២៣)។
ចំណាត់ថ្នាក់មេដាយមាស នៃព្រឹត្តិការស៊ីហ្គេម លើកទី៣២ នៅកម្ពុជា៖
- ក្រុមបាល់ទះនារីជម្រើសជាតិថៃ មេដាយមាស
- ក្រុមបាល់ទះនារីជម្រើសជាតិវៀតណាម មេដាយប្រាក់
- ក្រុមបាល់ទះនារីជម្រើសជាតិឥណ្ឌូណេស៊ី មេដាយសំរឹទ្ធ
- ក្រុមបាល់ទះនារីជម្រើសជាតិ ហ្វីលីពីន លេខ ៤
- ក្រុមបាល់ទះនារីជម្រើសជាតិ សិង្ហិបុរី លេខ ៥
- ក្រុមបាល់ទះនារីជម្រើសជាតិ ម៉ាឡេស៊ី លេខ ៦
- ក្រុមបាល់ទះនារីជម្រើសជាតិ មីយ៉ាន់ម៉ា លេខ ៧
- ក្រុមបាល់ទះនារីជម្រើសជាតិ កម្ពុជា លេខ ៨៕
