កីឡាការិនីកម្ពុជា-អាមេរិក ថប កាសានដេ នីកូល (Cassandre Nicole Tubbs) ហៅ ខេស៊ី ដណ្តើមបានមេដាយមាសជាលើកដំបូង ក្នុងព្រឹត្តិការណ៍ស៊ីហ្គេម បន្ទាប់ពីយកឈ្នះកីឡាការិនីវៀតណាម ការប្រកួតកីឡាតេក្វាន់ដូ វិញ្ញាសានារីទម្ងន់ក្រោម ៦៧គីឡូក្រាម។
កីឡាការិនី ថប កាសានដេ នីកូល កើតនៅថ្ងៃទី២៦ ខែកុម្ភៈ ឆ្នាំ១៩៩៩ នៅសហរដ្ឋអាមេរិក ដោយមានឪពុក ជាកូនកាត់ខ្មែរ-អាមេរិក និងម្ដាយខ្មែរ។ ខណ:នាងធ្លាប់ប្រកួតតំណាងកម្ពុជា ចំនួន ៣លើករួចមកហើយដូចជា៖
-ស៊ីហ្គេមឆ្នាំ២០១៧ នៅម៉ាឡេស៊ី ទទួលបានមេដាយសំរឹទ្ធ
-ស៊ីហ្គេមឆ្នាំ២០១៩ នៅហ្វីលីពីន បានទទួលមេដាយប្រាក់
-ស៊ីហ្គេមឆ្នាំ២០២១ នៅវៀតណាម ទទួលបានត្រឹមមេដាយសំរឹទ្ធ៕