ក្រុមបាល់ទាត់នារីកូរ៉េខាងត្បូង និងក្រុមបាល់ទាត់នារីកូរ៉េខាងជើង គ្រោងនឹងប្រជែងគ្នាក្នុងការប្រកួតជម្រុះសម្រាប់កីឡាអូឡាំពិកឆ្នាំក្រោយនៅទីក្រុងប៉ារីស។ ប្រទេសជិតខាងគ្នាដែលនៅតែមានភាពតានតឹងផ្នែកនយោបាយបានចាប់ឆ្នោតនៅក្នុងពូលជាមួយគ្នាក្នុងជុំទី២ នៃវគ្គជម្រុះទ្វីបអាស៊ី។
កូរ៉េខាងត្បូង និងកូរ៉េខាងជើង ស្ថិតនៅពូល B ជាមួយប្រទេសចិនដែលជាម្ចាស់មេដាយប្រាក់នៅ Atlanta ឆ្នាំ១៩៩៦ រួមជាមួយប្រទេសថៃ។ កូរ៉េខាងត្បូង និងកូរ៉េខាងជើងគ្រោងនឹងជួបគ្នានៅថ្ងៃទី ២៩ ខែតុលា ឆ្នាំ២០២៣។
ក្រុមដែលឈ្នះក្នុងពូលទាំងបី និងចំណាត់ថ្នាក់លេខរៀងល្អបំផុត នឹងឡើងទៅកាន់ជុំទី៣ ដើម្បីប្រកួត២ជើង ដែលគ្រោងនឹងធ្វើឡើងនៅថ្ងៃទី ២៤ ខែកុម្ភៈ ឆ្នាំ២០២៤៕
