ឈានចូលសប្ដាហ៍ទី៤ ការប្រកួតពានរង្វាន់សម្តេចតេជោ ហ៊ុន សែន លើកទី១៧ ឆ្នាំ២០២៣-២០២៤ (ថ្នាក់ខេត្ត) បានបញ្ចប់នៅមុននេះ ដោយក្រុមភ្នំពេញហ្គាឡាក់ស៊ី បានយកឈ្នះកំពតអេហ្វស៊ី ខណ:ខេត្តព្រះសីហនុ បានយកឈ្នះ ខេត្តកំពង់ស្ពឺ។
លទ្ធផលជំនួបទអា២ នៅថ្ងៃទី២៣ ខែឧសភា ២០២៣ ក្នុងពូល A មាន ៖
-ភ្នំពេញហ្គាឡាក់ស៊ី ១-០ កំពតអេហ្វស៊ី នៅវិទ្យាល័យព្រះរាជសម្ភារ
-ខេត្តព្រះសីហនុ ២-១ ខេត្តកំពង់ស្ពឺ នៅអនុវិទ្យាល័យសម្តេចឱ
ខណ:នៅថ្ងៃទី២៤ ខែឧសភា ស្អែក ក៏មានការប្រកួតនៅក្នុងពូល B មាន៖ កំពង់ចាម ប៉ះ កណ្ដាល នៅវិទ្យាល័យព្រះសីហនុ និងត្បូងឃ្មុំ ប៉ះ ស្វាយរៀង នៅវិទ្យាល័យហ៊ុនសែនមេមត់ ចាប់ពីម៉ោង ១៥:៣០នាទីតទៅ។
ពានរង្វាន់សម្តេចតេជោ ហ៊ុន សែន លើកទី១៧ ឆ្នាំ២០២៣-២០២៤ (ថ្នាក់ខេត្ត) បានចាប់ដំណើរការប្រួតចាប់ពីថ្ងៃទី២៨ មីនា ២០២៣ រហូតដល់ ថ្ងៃទី៧ តុលា ២០២៣ ដោយមានក្រុមចំនួន ២០ចូលរួមប្រកួត បែងចែកជា៤ពូល៖ ក, ខ, គ, ឃ៕
