ក្នុងរដូវកាលឆ្នាំ២០២១ នេះមានក្លិបបាល់ទាត់មួយនៅប្រទេសជប៉ុន Shimizu S-Pulseសមាជិកពានរង្វាន់លីគកំពូល J1 League បានប្រើពាក្យ”Cambodia-Kingdom of Wonder” នៅលើសម្លៀកបំពាក់របស់ខ្លួន ហើយក្រុមមួយនេះនឹងរៀបចំការប្រកួតមួយដោយប្រើពាក្យ«Cambodia Day» នៅក្នុងសប្ដាហ៍ទី២៣ដើមខែសីហា ខាងមុខ។
បើតាមសេចក្តីជូនដំណឹងរបស់ស្ថានទូតព្រះរាជាណាចក្រកម្ពុជា ប្រចាំប្រទេសជប៉ុន បានបញ្ជាក់ថានៅថ្ងៃទី០៦ ខែកក្កដា ឆ្នាំ២០២១ ឯកឧត្តមឯកអគ្គរាជទូតបានទទួលប្រធានក្រុមហ៊ុន Taica Corporation ដែលបានឧបត្ថម្ភដាក់ Logo “Cambodia-Kingdom of Wonder” នៅលើឯកសណ្ឋានកីឡារបស់ក្រុមបាល់ទាត់ Shimizu S-Pulse។
ក្រុមហ៊ុន Taica នឹងរៀបចំការប្រកួតបាល់ទាត់ក្នុងលីគកំពូលជប៉ុន រវាងក្រុម Yokohama FC ប្រកួត ជាមួយក្រុមShimizu S-Pulse នៅថ្ងៃទី ០៩ ខែសីហា ឆ្នាំ២០២១ ខាងមុខ ដោយដាក់ឈ្មោះថា«Cambodia Day»។
អត្ថបទពាក់ព័ន្ធ៖លីគកំពូលជប៉ុន បន្ថែមផ្សាយបន្តផ្ទាល់ទៅកាន់អ៊ីតាលី,សាន់ម៉ារីណូនិងបុរីវ៉ាទីកង់
ក្រុមShimizu S-Pulse នឹងបើកទ្វាកីឡដ្ឋាន IAI Stadium Nihondaira ក្នុងទីក្រុងរបស់ខ្លួនShizuoka ទទួលព្រឹត្តិការណ៍មួយនេះ។ គិតត្រឹមសប្ដាហ៍ទី២០ នេះក្រុមShimizu S-Pulse ឈរចំណាត់ថ្នាក់លេខ១៣ ក្នុងចំណោមសមាជិកទាំង២០ក្រុម មាន២២ពិន្ទុក្នុងដៃ ខណៈក្រុម Yokohama FCឈរលេខ២បណ្តោះអាសន្នមាន៤៦ពិន្ទុ៕
