លោក John Bostock អាយុ ៦២ឆ្នាំ រស់នៅទីក្រុង Birmingham បានរកឃើញសំណង់មួយខ្នងដែលធ្វើពី សំបកអយស្ទ័រ ធ្មេញ និង ឆ្អឹងរបស់សត្វគោ និង ចៀម ដែលលាក់ខ្លួននៅក្នុងសួនច្បារក្រោយផ្ទះរបស់លោករយៈពេលជាង ២៥ឆ្នាំហើយ។
លោក John បានបញ្ជាក់ថា មិនគួរឲ្យជឿទេថាក្នុងផ្ទះរបស់លោកមានលាក់ទុកនៅសំណង់ដ៏ចម្លែកក្នុងសួនច្បារក្រោយផ្ទះអស់
រយៈពេលជាច្រើនឆ្នាំបែបនេះសោះ។ លោករកឃើញសំណង់ដ៏ចម្លែកនេះនៅពេលដែលលោកកំពុងតែដើរមើលបរិវេណជុំវិញផ្ទះ ព្រោះលោកមិនដែលមានពេលដើរមើលបរិវេណជុំវិញផ្ទះទេតាំងពីលោករស់នៅទីនេះអស់ជាង២៥ឆ្នាំនោះ ហើយពេលនេះបែរជារកឃើញនៅពេលដែលលោករៀបចំរើឥវ៉ាន់ចាកចេញពីផ្ទះរបស់លោកដើម្បីទៅរស់នៅផ្ទះថ្មី។
បន្ទាប់ពីរកឃើញសំណង់ដ៏ចម្លែកនេះ លោក John បានថតបង្ហោះចូលក្នុងបណ្ដាញសង្គមដើម្បីចែករំលែកនូវរឿងដ៏អាថ៌កំបាំងនេះ ហើយសង្កេតឃើញថារូបភាពនេះទទួលបានការចាប់អារម្មណ៍ជាច្រើនផងដែរ ក្នុងនោះក៏មានអ្នកបុរាណវិទូជាច្រើននាក់បានសន្មត់ថា សំណង់នេះជាសំណង់ដែលធ្វើអំពីសំបកអយស្ទ័រ ធ្មេញ និង ឆ្អឹងរបស់សត្វរាប់រយឆ្នាំមកហើយ ពួកគេមិនដែលបានឃើញពីសំណង់ដ៏ចម្លែកនេះនៅក្នុងទីក្រុង Birmingham នោះទេ៕
ប្រែសម្រួលដោយ៖ ជុំ ពេជ្រវណ្ណារ៉ា
ទស្សនាវីដេអូខាងក្រោមនេះ៖