អ្នកនាង ខាត់ សុឃីម ដែលត្រូវអ្នកគាំទ្រប្រសិទ្ធនាមឱ្យថាតារាពហុជំនាញ ព្រោះតែអ្នកនាងមានសមត្ថភាពច្រើនមុខក្នុងវិស័យសិល្បៈកាលពីយប់ទី១១ ខែកក្កដា បានបង្ហោះរូបថតឯកសារសំខាន់ៗមួយចំនួន ព្រមជាមួយសំណេរប៉ុន្មានឃ្លាដែលធ្វើឱ្យអ្នកដែលបានឃើញហើយផ្ដើមមានកម្លាំង តស៊ូជាបន្តទៀត។
សូមចុចអាន តារាខ្មែររួមចិត្ត តវ៉ា ចំពោះបញ្ហាការសាងសង់ប្រាសាទថ្ម ដូចនឹងប្រាសាទអង្គរនៅប្រទេសថៃ!
យោងតាមការបង្ហោះរបស់អ្នកនាង ខាត់ សុឃីម នៅផេករបស់ខ្លួន បានបង្ហាញឱ្យឃើញរូបថតជាច្រើនសន្លឹកមានទាំងប័ណ្ណប៉ាតង់ និងវិញ្ញាបនបត្របញ្ជាក់ដែលទទួលស្គាល់ដោយក្រសួងនានា ព្រមជាមួយនឹងការរៀបរាប់ របស់អ្នកនាងថាទោះជាមានការលំបាកខ្លាំងយ៉ាងណា ឧបសគ្គច្រើនកម្រិតណាក៏ដោយ ឱ្យយើងមិនខ្ជិល នោះយើងប្រាកដជាគេចផុតពីការលំបាក អ្នកនាងបានសង្កត់ធ្ងន់ត្រង់ចំណុចមួយថា បើដង្ហើមនៅមាន អ្នកនាងមិនព្រមចុះចាញ់នោះទេ ក្ដីសង្ឃឹមនៅពេញ១០០% ក្រៅពីនោះអ្នកនាងក៏បានអរគុណចំពោះមនុស្សល្អៗដែលបានជួយជ្រោមជ្រែងអ្នកនាងផងដែរ។
«សុបិនក្លាយជាការពិត
Mochy Cosmetics រូបពិត ក្រុមហ៊ុនពិត
សូមកុំបោះក្តីស្រមៃខ្លួនឯងចោល ត្រូវតស៊ូយកអោយបាន ។ ហាមបាក់ទឹកចិត្តណា ទោះជីវិតធ្លាក់ដល់ កំរិតណាក៏ដោយ ជីវិតមានឡើង មានចុះ ពេលខ្លះទុក្ខ ពេលខ្លះសុខ ពេលខ្លះសើច ពេលខ្លះយំ និងជារស់ជាតិជីវិត គ្មានអ្នកណាជៀសផុតទេ ត្រូវរឹងមាំ តស៊ូ ជំនះរាល់ឧបសគ្គ ហើយទទួលយកការពិត 
ផ្ញើរជូនអ្នកពិបាកនិងបាក់ទឹកចិត្តជាពិសេស អ្នកណាក៏មានទុកដែរតែខ្ជិល ក្រ ខ្ជិល លំបាក (ក្រគេមើលងាយ)។ បើដង្ហើមខ្ញុំនៅមានខ្ញុំមិនចុះចាញ់ជាដាច់ខាតក្តីសង្ឃឹមគឺនៅ១០០%(សូមអរគុណវេលា)ជាពិសេសមនុស្សដ៏ល្អៗដែលតែងតែជួយខ្ញុំ»
ការចែករំលែកនូវគំនិត ទស្សនៈ និងបទពិសោធផ្ទាល់ខ្លួនរបស់អ្នកនាងបានទទួលការគាំទ្រ និង អរគុណយ៉ាងច្រើនពីសំណាក់ហ្វេន ដោយមានអ្នកចូលមកចូលរួមអបអរសាទរ និង អ្នកចូលមកថ្លែងអំណគុណចំពោះពាក្យពេចន៍លើកទឹកចិត្តរបស់អ្នកនាង ដែលជាកម្លាំងជំរុញឱ្យមានទឹកចិត្តដើរទៅមុខ ជម្នះឧបសគ្គ ជាបន្តទៀត៕
