មិនដឹងថាព្រោះតែមូលហេតុបាត់មុខយូរមិនសូវបង្ហាញវត្តមានក្នុងវិស័យសិល្បៈ ព្រោះតែងាកទៅបំពេញធុរកិច្ចផ្ទាល់ខ្លួន ទើបធ្វើឱ្យស្រីស្អាតមុខគួរឱ្យស្រលាញ់ដូចតុក្កតា Kwan Usamamee ត្រូវបានអ្នកគាំទ្រនាំគ្នាចូលទៅសួរនាំក្នុង IG ដោយក្ដីនឹករលឹក និង ក្ដីបារម្ភ។
ថ្មីៗនេះមានអ្នកគាំទ្ររបស់កញ្ញាម្នាក់បានចូលទៅ Comment សួរនៅក្នុងគណនី IG របស់កញ្ញា Kwan ដើម្បីឱ្យប្រាកដចិត្តយ៉ាងដូច្នេះថា៖ «រឿងពិតមែនទេ ដែលថាបង Kwan បាត់បង់ជីវិត?» បន្ទាប់ពីមានការសួរនាំរឿងអាយុជីវិតមិនទុកយូរកញ្ញា Kwan បានចេញមកឆ្លើយតបភ្លាមៗថា៖ «បងនៅរស់ទេ»។
ចម្លើយរបស់ស្រីស្រស់អតីតតារាសម្ដែងល្បីរបស់ CH7 រូបនេះបានធ្វើឱ្យអ្នកគាំទ្រមានភាពរីករាយ ព្រោះការដែលកញ្ញាបាត់មុខព្រោះបច្ចុប្បន្នធុរកិច្ចផ្ទាល់ខ្លួនមានច្រើន ដូច្នេះទើបកញ្ញាមិនសូវមានពេលបានផុសលើបណ្ដាញសង្គមពីការងារ និង សកម្មភាពផ្សេងៗដូចកាលពីមុន ខណៈសម្រាប់រឿងភាគកញ្ញាបង្ហើបថាឆ្នាំក្រោយនឹងបានឃើញកញ្ញាក្នុងរឿងមិនខាន៕
ប្រភព៖ Panasia