ក្រុមម្ចាស់ផ្ទះអង្គរថាយហ្គឺរ (Angkor Tiger FC) បានប្រកួតឈ្នះលើក្រុមអគ្គីសនីកម្ពុជា ៣ទល់១ ក្នុងសប្ដាហ៍ទី៧ នៃពានរង្វាន់លីគកំពូលកម្ពុជា នៅរសៀលថ្ងៃចន្ទ ទី១២ ខែកក្កដា ឆ្នាំ២០២១ នេះលើទីលានកីឡដ្ឋាន SRU Stadium ក្នុងខេត្តសៀមរាប។
ការប្រកួតដែលកាត់សេចក្តីដោយលោកអាជ្ញាកណ្ដាល ឃិន ឧសីហា ក្រុមអង្គរថាយហ្គឺរ បានរកគ្រាប់បាល់នាំមុខមុន៣គ្រាប់ក្នុងតង់ទី១ ដោយកីឡាករ ឈង់ ប៊ុនណាត នៅនាទីទី១០ ហើយកីឡាករប្រេស៊ីល Eliel Guardiano បន្ថែមគ្រាប់ទី២ នៅនាទី ៣០ និង៤នាទីបន្ទាប់កីឡាករជនជាតិតុងហ្កា Ata Inia។ ចំណែក១គ្រាប់វាយបករបស់អគ្គីសនីកម្ពុជា រកបានដោយកីឡាករ ជិន វណ្ណៈ នៅនាទី៨៣ មុនចប់ការប្រកួត។
