យោងតាមការបង្ហោះរបស់កញ្ញា ដួង ហ្សូរីដា បានឱ្យដឹងថាម្ដាយរបស់ពិធីការិនីថ្វីមាត់ពូកែ អ្នកនាង យុគ ចិន្តា បានទទួលមរណភាពហើយ កាលពីថ្ងៃទី១២ ខែកក្កដា ឆ្នាំ២០២១ ដោយកូនៗមិនអាចជួយអ្វីទាន់។
នៅក្នុងសំណេរនោះអ្នកនា ដួង ហ្សូរីដា បានបញ្ជាក់ថា អ្នកនាង យុគ ចិន្តា បានរៀបរាប់ពីការឈឺចាប់ព្រមទាំងស្រែកទ្រហោយំដោយសារតែការបាត់បង់អ្នកមានគុណមានភាពរហ័សពេក លឿនពេក ពិបាកនឹងទទួលយកជាទីបំផុត ដោយសារតែសពអ្នកស្រី ខឹម ផល្លី គឺជាស្ត្រីវ័យជ្រេពិតមែនតែមានសុខភាពមាំទាំល្អ និង មិនដែលមានជំងឺដង្កាត់ឱ្យកូនចៅពិបាកនោះឡើយ។
បើតាមការបញ្ជាក់របស់អ្នកនាង ដួង ហ្សូរីដា បានឱ្យដឹងថា អ្នក ខឹម ផល្លា មួយរយៈចុងក្រោយនេះបានត្រលប់មករស់នៅមាតុភូមិកំណើត ហើយមានអាស្រមសំណាក់ធម៌នៅវត្តគល់ទទឹង ចំណែកមូលហេតុនៃមរណភាព គឺអ្នកស្រីបានដួលនៅក្នុងបន្ទប់ទឹក ហើយដោយសារអ្នកស្រីមានជំងឺលើសឈាមប្រចាំកាយផងនោះទើបធ្វើឱ្យអ្នកស្រីទទួលមរណភាព ហើយមិនអាចសង្គ្រោះបានទាន់ពេលវេលា។
អ្នកនាង ដួង ហ្សូរីដា បានរៀបរាប់យ៉ាងលម្អិតនៅលើបណ្ដាញសង្គមយ៉ាងដូច្នេះថា៖
«ចូលរួមសោកស្តាយនិងពិបាកទទួលយកមែនទែនពេលស្តាប់ការរៀបរាប់ទាំងទឹកភ្នែកនិងសំលេងទ្រហោយំនៃការបាត់បង់អ្នកម្តាយរបស់បងស្រី Chinda Yok លឿនពេកហើយ ហ្សូអើយ..!
ម៉ាក់បងអត់មានឈឺអីអោយពួកបងពិបាកទេ លឿនពេកហើយ បងជួយគាត់មិនទាន់
សូមអោយវិញា្ញណខណ្ទ័ម៉ាក់អ៊ុំទៅអោយបានសុខជាតិក្រោយសូមអោយម៉ាក់អ៊ុំបានជួបប្រសព្វនូវអ្វីល្អៗដូចជាតិនេះទៀត ក្មួយតែងតែកោតសរសើរម៉ាក់អ៊ុំជាស្រ្តីរឹងមាំ ពូកែ ជិះតែយន្តហោះទៅមក អាមេរិចខ្មែរ ម្នាក់ឯង មិនអោយពិបាកកូនចៅណាទេ សូម្បីតែពេលម៉ាក់អ៊ុំផុត ក៍ម៉ាក់អ៊ុំមិនអោយកូនចៅណាមកពិបាកជាមួយម៉ាក់អ៊ុំទៀត»
គួរដឹងដែរថា សពរបស់អ្នកស្រីបានតម្កល់ធ្វើបុណ្យទៅតាមប្រពៃណីខ្មែរ អ្នកស្រី ខឹម ផល្លី បានទទួលមរណភាពនៅក្នុងវ័យ ៦៩ឆ្នាំ ដោយរោគាពាធ៕
