ជារឿងដែលកំពុងទទួលបានការចាប់អារម្មណ៍យ៉ាងខ្លាំង ក្រោយគ្រូភាសាអង់គ្លេសដ៏ល្បីឈ្មោះ លោកគ្រូ Lookgolf បានចេញមកប្រកាសលាចាករង្វង់សិល្បៈ ព្រមទាំងឈប់ទទួលការងារក្នុងវិស័យសិល្បៈទាំងអស់ ហើយសូមឱ្យមហាជនឈប់ហៅឈ្មោះលោកថាជាបុគ្គលល្បី ឬបុគ្គលក្នុងពិភពសិល្បៈ ក្រោយពេលដែលលោកចេញមក Call out តែអ្នកផ្សេងៗក្នុងរង្វង់សិល្បៈនៅស្ងៀមទោះជាស្ថានការណ៍កំពុងតែផុយស្រួយក្ដី
ថ្មីៗនេះលោកគ្រូ Lookgolf បានបង្ហោះសំណេរនៅលើបណ្ដាញសង្គមថា៖ «ខ្ញុំបាទសុំចាកចេញពីរង្វង់សិល្បៈព្រោះបើស្ងប់ស្ងាត់បែបនេះ ខ្ញុំចង់ខាតពេលនៅកន្លែងបែបនេះ សូមឱ្យគ្រប់គ្នាកុំរំលឹកដល់ Lookgolf ក្នុងឋានៈជាមនុស្សក្នុងរង្វង់សិល្បៈបន្តទៀត ធម្មតាខ្ញុំចូលសិល្បៈប៉ុនកូនដៃ ថ្ងៃនេះសូមដើរចេញទាំងស្រុង»
លោកគ្រូបង្រៀងភាសាដ៏មានឥទ្ធិពលរូបនេះក៏បានបន្ថែមទៀតដែរថា «តទៅថ្ងៃមុខ សូមឱ្យអ្នកសារព័ត៌មានដែលបានឃើញសំណេរនេះ មេត្តានិយាយពីខ្ញុំក្នុងនាមជាជនជាតិថៃមួយរូប សូមកុំយកខ្ញុំចូលទៅពាក់ព័ន្ធជាមួយនឹងពាក្យថារង្វង់សិល្បៈទៀត សូមអរគុណ ហើយមិនចាំបាច់ធ្វើព័ត៌មានដែលខ្ញុំប្រកាសនេះទេ នាំតែខាតពេល យកពេលទៅធ្វើព័ត៌មានជួយប្រជាជនប្រសើរជាង ខ្ញុំសូមផ្អាកការងារក្នុងរង្វង់សិល្បៈទាំងអស់ ដូច្នេះមិនបាច់ទាក់ទងមកខ្ញុំទៀតទេ អរគុណ»។
ពាក្យសម្ដីរបស់លោក ហាក់ចាក់ចំបេះដូងមហាជន ធ្វើឱ្យមានអ្នកចូលទៅ Comment និង ចែករំលែកសំណេររបស់លោកយ៉ាងច្រើន៕
ប្រភព៖ Sanook
