កីឡាការិនី វ៉ិត ចន្ថា បង្ហាញការលើកទឹកចិត្តដល់អ្នកមានពិការភាពឲ្យមានស្មារតីតស៊ូ កុំឲ្យរស់នៅដូចកង្កែបក្នុងអណ្ដូង គឺយើងត្រូវចេញមើលពិភពលោកខាងក្រៅពីការអភិវឌ្ឍ និងមានភាពជឿនលឿនបែបណា។
ម្ចាស់មេដាយមាស លើវិញ្ញាសាលោតចម្ងាយ បានផ្ដល់បទសម្ភាសន៍ជាមួយអ្នកសាព័ត៌មានថា៖ «ដំបូងខ្ញុំចាប់ផ្ដើមលេងកីឡាគឺបានលះបង់ទាំងភាពអៀនខ្មាស់ និងមានមហិឆ្ឆតាទោះបីខ្ញុំពិការតែប៉ះដូងខ្ញុំមិនពិការឡើយ ហើយនិងពុះពារគ្រប់ឧបសគ្គដើម្បីយកឈ្នះលើខ្លួនឯងផ្ទាល់ ដើម្បីបង្ហាញអោយអ្នកដទៃឃើញពីជោគជ័យ ជនពិការភាពក៏អាចលេងកីឡាបានដែរ»។
កីឡាការិនី វ៉ិត ចន្ថា បានប្រែជីវិតពីអតីតកាលជាជនមានពិការភាពមានជីវិតលំបាក ជាអ្នកធ្វើការតាមផ្ទះគេ ដើររស់នៅធ្វើការតាមផ្ទះគេ ដើម្បីចិញ្ចឹមជីវិតខ្លួន និងគ្រួសារ។ ការពុះពារនិងមានគោលដៅច្បាស់លាស់នេះហើយ បានធ្វើឲ្យ ចន្ថា ប្រែជីវិតក្លាយទៅជាអត្តពលិកជនពិការជម្រើសជាតិ។
ចន្ថា មានស្រុកកំណើរខេត្តកំពង់ស្ពឺ មានបងប្អូន ៦នាក់ ស្រី២នាក់។ ជីវិតជាកម្មការិនីរោងចក្រ ត្រឹមរកកម្រៃចិញ្ចឹមជីវិតបានទាំងលំបាក់ បានធ្វើឲ្យ ចន្ថា អ្វីដែលខ្លួនស្រឡាញ់ឃើញ គឺការលេងកីឡា និងបានប្រឡូកចូលហ្វឹកហាត់នៅក្នុងឆ្នាំ២០១៤ ក្នុងនាមជាកីឡាការិនីរត់ចម្ងាយ១០០ម៉ែត្រ ២០០ម៉ែត្រ និង៤០០ម៉ែត្រ។
គួររឺលឹកថា កីឡាការិនី វ៉ិត ចន្ថា នៅឆ្នាំ២០១៧ ចន្ថា ទទួលបានមេដាយប្រាក់១គ្រឿងលើវិញ្ញាសាលោតចម្ងាយ និងសំរឹទ្ធ១គ្រឿងលើវិញ្ញាសារត់ប្រណាំង៤០០ម៉ែត្រ។ ការប្រកួតអាស៊ានប៉ារ៉ាហ្គេម លើកទី១១ នៅក្នុងទីក្រុងសូឡូ នៅប្រទេសឥណ្ឌូនេស៊ី ដណ្ដើមមេដាយមាស ២គ្រឿង និងមេដាយបប្រាក់ ១គ្រឿង ក្លើវិញ្ញាសាកីឡាអត្តពលកម្ម លោតចម្ងាយ និងរត់ប្រណាំង៤០០ម៉ែត្រ រួមជាមួយនឹងមេដាយប្រាក់ លើវិញ្ញាសារតប្រណាំង ២០០ម៉ែត្រ៕