ក្រុមកីឡាការិនីបាល់បោះជិះរទេះជនរបស់កម្ពុជា ដណ្ដើមបានមេដាយមាស បន្ទាប់ពីយកឈ្នះក្រុមកីឡាការិនីថៃ ក្នុងវគ្គផ្ដាច់ព្រ័ត្រ នៃការប្រកួតអាស៊ានប៉ារ៉ាហ្គេម លើកទី១២ ឆ្នាំ២០២៣ ខណៈនេះជាការឈ្នះមេដាយមាសឆ្នាំទី២របស់ក្រុមនារីកម្ពុជា ខណៈឆ្នាំដំបូងនៅឥណ្ឌូណេស៊ី កន្លងទៅក៏ដណ្តើមបានមេដាយមាសដែរ។
ការប្រកួតវិញ្ញាសាបាល់បោះនារីជិះរទេះ ៣ទល់៣ វគ្គដណ្តើមមេដាយមាស រវាងក្រុមកីឡាការិនីម្ចាស់ផ្ទះកម្ពុជា និងក្រុមកីឡាការិនីថៃ ដោយម្ចាស់ផ្ទះកម្ពុជាឈ្នះមេដាយមាស បន្ទាប់ពីផ្តួលថៃ ដោយលទ្ធផល ១១ ទល់ ៩ ដែលការប្រកួតនេះធ្វើឡើងនៅពហុកីឡដ្ឋានជាតិមរតកតេជោ នាព្រឹកថ្ងៃទី០៣ ខែមិថុនា ឆ្នាំ២០២៣។
រំលឹកថា សម្រាប់ការប្រកួតអាស៊ានប៉ារ៉ាហ្គេម លើកទី១១ ឆ្នាំ២០២២ នៅឥណ្ឌូនេស៊ី លើប្រភេទកីឡាបាល់បោះជិះរទេះនេះ គឺក្រុមកីឡាការិនីបាល់បោះជនពិការកម្ពុជា ដណ្តើមបានមេដាយមាស លើវិញ្ញាសា ៣នាក់ទល់៣នាក់ និងមេដាយប្រាក់ លើវិញ្ញាសា ៥នាក់ទល់៥នាក់។ ប៉ុន្តែក្រុមបាល់បោះបុរសរបស់កម្ពុជា មិនទទួលបានមេដាយឡើយ៕
