ប្រទេសប្រ៊ុយណេ រកបានមេដាយមាស ១គ្រឿងជាលើកដំបូងនៅក្នុងព្រឹត្តិការណ៍កីឡាអាស៊ានប៉ារ៉ាហ្គេមលើកទី១២ រួមជាមួយមេដាយសំរឹទ្ធ ១គ្រឿង ក្នុងចំណោមមេដាយសរុប ៥០៤គ្រឿង រកបានពីអត្តពលិកទាំង ១១ប្រទេស ខណ:ការប្រកួតកំពុងដំណើរការបន្តគិតត្រឹមថ្ងៃនេះ។
មេដាយដែលប្រទេសប្រ៊ុយណេ រកបានមាន៖
- មេដាយមាស ១គ្រឿង រកបានដោយកីឡាការិនី Dayang Nor Hensan Awg Hj Mataha ប្រភេទកីឡាជនពិការអត្ពលកម្ម វិញ្ញាសា Women’s shot put (F11)
- មេដាយសំរឹទ្ធ ១គ្រឿង រកបានដោយកីឡាករ Shari Hj Juma’at លើប្រភេទកីឡាជនពិការអត្ពលកម្ម វិញ្ញាសា Men’s discus Throw (F55)
តារាងមេដាយ នៃព្រឹត្តិការណ៍កីឡាអាស៊ានប៉ារ៉ាហ្គេមលើកទី១២ ឆ្នាំ២០២៣ គិតត្រឹមបញ្ចប់ការប្រកួត ថ្ងៃទី០៥ ខែមិថុនា ឆ្នាំ២០២៣៖
ចំណាត់ថ្នាក់ | ប្រទេស | មេដាយមាស | មេដាយប្រាក់ | មេដាយសំរឹទ្ធ | មេដាយសរុប |
១ | ឥណ្ឌូនេស៊ី | ៦២ | ៤៩ | ៣១ | ១៤២ |
២ | ថៃ | ៣៤ | ៤១ | ២៣ | ៩៨ |
៣ | វៀតណាម | ២៩ | ២៦ | ៣៩ | ៩៤ |
៤ | ម៉ាឡេស៊ី | ២៣ | ១៧ | ១៣ | ៥៣ |
៥ | ហ្វីលីពីន | ១៣ | ១៦ | ១៧ | ៤៦ |
៦ | មីយ៉ាន់ម៉ា | ៦ | ៨ | ៥ | ១៩ |
៧ | សិង្ហបុរី | ៤ | ៧ | ៦ | ១៧ |
៨ | កម្ពុជា | ៣ | ៩ | ១១ | ២៣ |
៩ | ទីម័រឡេស្តេ | ២ | ០ | ៣ | ៥ |
១០ | ប្រ៊ុយណេ | ១ | ០ | ១ | ២ |
១១ | ឡាវ | ០ | ១ | ៤ | ៥ |
រំលឹកថា ប្រទេសប្រ៊ុយណេ បានបញ្ជូនប្រតិភូកីឡាមកចូលរួមប្រកួតអាស៊ានប៉ារ៉ាហ្គេម លើទី១២ សរុបចំនួន ៣២នាក់ ក្នុងនោះមន្ត្រីបច្ចេកទេស ១២នាក់ និងអត្តពលិក ចំនួន ២០នាក់។
ការប្រកួតកីឡាអាស៊ានប៉ារ៉ាហ្គេម លើកទី១២ មាន ១៤ប្រភេទ មាន ១១ប្រទេសចូលរួម ចាប់ផ្ដើមប្រកួតពីថ្ងៃទី០៣-០៩ ខែមិថុនា ឆ្នាំ២០២៣ នៅរាជធានីភ្នំពេញ បន្ទាប់ពីទទួលបានជោគជ័យក្នុងការធ្វើម្ចាស់ផ្ទះកីឡាស៊ីហ្គេមលើកទី៣២ ចាប់ពីថ្ងៃទី៥ ដល់ថ្ងៃទី១៧ ខែឧសភា ឆ្នាំ២០២៣៕