ឡាវ ជាប្រទេសតែមួយគត់ដែលមិនទាន់រកបានមេដាយមាស បានសូម្បី ១គ្រឿង នៅក្នុងព្រឹត្តិការណ៍អាស៊ានប៉ារ៉ាហ្គេម លើកទី១២ គិតត្រឹមម៉ោង ០៣:០០នាទទីរសៀល ប្រកួតនៅថ្ងៃទី០៦ ខែមិថុនា ឆ្នាំ២០២៣ ក្នុងចំណោម ១១ប្រទេសចូលរួមប្រកួតប្រជែង។
រកមេដាយមាស មិនទាន់បាន ប៉ុន្តែប្រទេសឡាវ រកបានមេដាយប្រាក់ ១គ្រឿង និងមេដាយសំរឹទ្ធ ៤គ្រឿង លើកប្រភេទកីឡា និងវិញ្ញាសា ដូចខាងក្រោម៖
- ប្រភេទកីឡាលើកទម្ងន់ វិញ្ញាសា Women’s Up to 41 kg (Total Lift) ឈ្នះមេដាយប្រាក់ ១គ្រឿង
- ប្រភេទកីឡាអត្តពលកម្ម វិញ្ញាសា Men’s 100m T13 ឈ្នះមេដាយ សំរឹទ្ធ ១គ្រឿង
- ប្រភេទកីឡាអត្តពលកម្ម វិញ្ញាសា Women’s Javelin Throw F46 ឈ្នះមេដាយ សំរឹទ្ធ ១គ្រឿង
- ប្រភេទកីឡាលើកទម្ងន់ វិញ្ញាសា Women’s Up to 41 kg ឈ្នះមេដាយសំរឹទ្ធ ១គ្រឿង
- ប្រភេទកីឡាបាល់បោះជិះរទេះ វិញ្ញាសា Women’s Team 3×3 ឈ្នះមេដាយសំរឹទ្ធ ១គ្រឿង
ព្រឹត្តិការណ៍កីឡាអាស៊ានប៉ារ៉ាហ្គេមលើកទី១២ កំពុងដំណើរការប្រកួត ខណ:ប្រទេសឥណ្ឌូនេស៊ី កំពុងឈរកំពូលតារាង រកបានមេដាយសរុបលើស ១០០គ្រឿងមុនគេ តាមពីក្រោយដោយប្រទេស ថៃ, វៀតណាម, ម៉ាឡេស៊ី, ហ្វីលីពីន, សិង្ហបុរី, មីយ៉ាន់ម៉ា, កម្ពុជា, ទីម័រ, ប្រ៊ុណេ និងចុងក្រោយគឺប្រទេសឡាវ៕