ប្រកួតកីឡាបាល់បោះជិះរទេះ ក្នុងព្រឹត្តិការណ៍ប្រកួតកីឡាអាស៊ានប៉ារ៉ាហ្គេម លើកទី១២ នៅកម្ពុជា បានបញ្ចប់រួចរាល់ ដោយមានតែក្រុមកីឡាការិនីបាល់បោះជិះរទេះជនរបស់កម្ពុជា វិញ្ញាសា ៣ទល់៣ ដណ្ដើមបានមេដាយមាស ខណ:វិញ្ញាសា ៥ទល់៥ បានមេដាយប្រាក់ និងក្រុមកីឡាបាល់បោះបុរសជិះរទេះ ៣ទល់៣ បានចំណាត់ថ្នាក់លេខ៤ និងវីញ្ញាសា ៥ទល់៥ ធ្លាក់ត្រឹមវគ្គចែកពូល។
កីឡាការិនីបាល់បោះជិះរទេះរបស់កម្ពុជា
- វិញ្ញាសា ៣ទល់៣ ឈ្នះមេដាយមាស ដោយលទ្ធផល កម្ពុជា ៩(២)-៩(០) ថៃ
- វិញ្ញាសា ៥ទល់៥ មេដាយមាស ចាញ់ថៃដោយលទ្ធផល កម្ពុជា ២៦-៦៦ ថៃ
កីឡាបាល់បោះបុរសជិះរទេះរបស់កម្ពុជា
- វិញ្ញាសា ៣ទល់៣ ចំណាត់ថ្នាក់លេខ៤ ចាញ់ម៉ាឡេស៊ីដោយលទ្ធផល កម្ពុជា ៨-១៧ ម៉ាឡេស៊ី
- វិញ្ញាសា ៥ទល់៥ ធ្លាក់ត្រឹមវគ្គជម្រុះក្នុងពូល ក្រោយចាញ់ទាំង ៤ប្រកួត (ចាញ់ឥណ្ឌូនេស៊ី ៦៦-៤៩, ចាញ់ម៉ាឡេស៊ី ៩១-៣៤, ចាញ់ហ្វីលីពីន ៧៩-៤១ និងចាញ់ថៃ ៩១-១៥)
ក្រុមកីឡាការិនីបាល់បោះជិះរទេះកម្ពុជា ដណ្ដើមបានមេដាយមាស បន្ទាប់ពីយកឈ្នះក្រុមកីឡាការិនីថៃ ក្នុងវគ្គផ្ដាច់ព្រ័ត្រ ដោយលទ្ធផល ១១ ទល់ ៩ នាព្រឹកថ្ងៃទី០៣ ខែមិថុនា ឆ្នាំ២០២៣ ខណៈនេះជាការឈ្នះមេដាយមាសឆ្នាំទី២របស់ក្រុមនារីកម្ពុជា ខណៈឆ្នាំដំបូងនៅឥណ្ឌូណេស៊ី កន្លងទៅក៏ដណ្តើមបានមេដាយមាសដែរ។
រំលឹកថា សម្រាប់ការប្រកួតអាស៊ានប៉ារ៉ាហ្គេម លើកទី១១ ឆ្នាំ២០២២ នៅឥណ្ឌូនេស៊ី លើប្រភេទកីឡាបាល់បោះជិះរទេះនេះ គឺក្រុមកីឡាការិនីបាល់បោះជនពិការកម្ពុជា ដណ្តើមបានមេដាយមាស លើវិញ្ញាសា ៣នាក់ទល់៣នាក់ និងមេដាយប្រាក់ លើវិញ្ញាសា ៥នាក់ទល់៥នាក់។ ប៉ុន្តែក្រុមបាល់បោះបុរសរបស់កម្ពុជា មិនទទួលបានមេដាយឡើយ៕