សិល្បៈអន្តរជាតិ៖ ក្រោយបែកបាក់ជាមួយនឹងអតីតភរិយា Angelina baby តារាសម្ដែងនិងជាផលិតករភាពយន្ត Huang Xiaoming រមែងមានដំណឹងទាក់ទងជាមួយនឹងតារាសម្ដែងស្រីថ្មីៗជាច្រើនលើក ដោយថ្មីៗនេះ មានលេចឮដំណឹងស្នេហាជាថ្មីទៀតថាលោកកំពុងដាំដើមស្នេហ៍ជាមួយនឹងតារាសម្ដែងថ្មីនាង Zhao Shijin ហើយអ្វីដែលគួរឱ្យចាប់អារម្មណ៍នោះគឺ តារាស្រីរូបនេះមានមុខស្រដៀងនឹងអតីតភរិយាមើលតែកូនភ្លោះ។
តាមរយៈរូបភាព Paparazzi បានបញ្ចេញមកខាងក្រៅគេឃើញមានរូបភាពរបស់ Huang Xiaoming និងនាង Zhao Shijing បណ្ដើរគ្នាទៅ ញ៉ាំអាហារនិងមើលកុនជាមួយគ្នា បន្ថែមលើសពីនេះនារីរូបនោះធ្លាប់ថតរូបជាមួយនឹងអតីតភរិយា Haung Xiaoming នាង Angelina Baby ផងដែរ។ ងាកមក Angela Baby វិញក៏មានដំណឹងថាកំពុងបង្កាត់ភ្លើងស្នេហ៍ថ្មីដែរ ប៉ុន្តែក្រុមការងាររបស់នាងបានចេញមកបដិសេធ។
ចំពោះដំណឹងដ៏ក្ដៅគគុកនេះមានការជជែកវែកញែកគ្នាយ៉ាងគគ្រឹកគគ្រេង រហូតមានអ្នកលេងបណ្ដាញសង្គមខ្លះបានលើកជាមតិថា៖ «តារាស្រីរូបនេះចូលសិល្បៈដើម្បីធ្វើជាតារាសម្ដែង មិនមែនចូលមកធ្វើជាយាយជីឯណា»។
