តាមរយៈហ្វេសប៊ុករបស់លោក អេឡិច សូរ៉ា ដែលមានឈ្មោះថា John Alexora បានបង្ហោះនៅថ្ងៃទី ១៥ ខែកក្កដា ឆ្នាំ២០២១នេះ បានធ្វើឱ្យអ្នកអត់ទាន់មានគូចង់មានគូ ចំណែកអ្នកមានគូរួចលួចច្រណែន ព្រោះតែសំណេរដ៏ផ្អែមល្ហែមដែលលោកបានផ្ញើជូនអ្នកនាង ឌី សូនីត្តា។
ពាក្យពេចន៍ដ៏សែនពីរោះរណ្ដំដែលលោក អេឡិច សូរ៉ា បានពោលនៅលើបណ្ដាញសង្គមដែលធ្វើឱ្យមិត្តភក្ដិ អ្នកលេងបណ្ដាញសង្គម និងមហាជនបានឃើញហើយទន់ជង្គង់ នោះបានសរសេរស្ដីពីការជូនពរចំពោះអ្នកនាង ឌី សូនីត្តា នៅក្នុងថ្ងៃលំណើតរបស់អ្នកនាង ដោយលោកថែមទាំងបានពោលពាក្យពេចន៍ថ្លែងអំណរគុណចំពោះអ្នកម្ដាយអ្នកនាង ឌី សូនីត្តា ដែលបានផ្ដល់កំណើតដល់អ្នកនាង ទើបមានវត្តមានអ្នកនាងចូលមកក្នុងជីវិតរបស់លោក។
« សំរាប់អូនរាល់ថ្ងៃគឺពិសេស ប៉ុន្តែថ្ងៃនេះគឺពិសេសជាងរាល់ថ្ងៃ ព្រោះវាជាថ្ងៃរបស់អូន, ដូច្នេះបងចង់ជូនពរ និង និយាយថា៖ រីករាយថ្ងៃកំណើតស្ក្រីស្អាតស៊ីចស៊ី និងមានមន្តស្នេហ៍បំផុតនៅលើភពផែនដីនេះរបស់បង! សូមឱ្យអូនមានសុខសុភមង្គលនិងភាពសប្បាយរីករាយ ព្រមជាមួយនឹងពរជ័យនៃសុខភាពល្អបំផុត!បងពិតជាអរគុណខ្លាំងណាស់សម្រាប់ថ្ងៃនេះណាស់ដែលអូនមានវត្តមានក្នុងលោកនេះ ខ្ញុំពិតជាអរគុណខ្លាំងណាស់សម្រាប់ម៉ែ សុភាព អ៊ុង ដែលបានផ្តល់កំណេីតដល់នារីដ៏ឈ្លាតវៃ និងពូកែម្នាក់នេះ, ហេីយក៏អគុណដល់ពេលវេលាដែលបានបណ្តាលអោយអូនបានចូលមកក្នុងជីវិតរបស់បង! អូនបានធ្វើឱ្យខ្ញុំដឹងពីអ្វីដែលជាជីវិត
Love you Dy Sonita…
រីករាយថ្ងៃកំណើតឌីសូនីតា Dy Sonita (ម៉ែអាស្មាយ៌)»
នៅពីក្រោមសំណេរដ៏សែនផ្អែមល្ហែមជាងទឹកស្កររបស់លោក អេឡិច សូរ៉ា បានបង្ហោះនោះក៏មានបណ្ដាហ្វេន និងមិត្តភក្ដិជាច្រើន ដែលស្រលាញ់ចូលចិត្តអ្នកទាំងពីរចូលមកអបអរសាទរ ជូនពរខួបកំណើតអ្នកនាង ឌី សូនីត្តា ព្រមទាំងពោលសរសើរចំពោះភាពផ្អែមល្ហែមរបស់អ្នកទាំងពីរដែលតែងតែមានចំពោះគ្នាផងដែរ៕
